Ŋgàn 27:8 - ŊWÀʼ NYÙY

⁸ Wìr maʼtì láʼ, lóo ghan ghanén, bo wù sì moo shinə́n she shí màʼtìn láʼ, a jan janén.

Ŋgàn 27:8 Referans Kwoze

Aysaya 16:2

Á ku dù, e tiìsí a jii, wír veé Moavi sàm ne, aá sì é tuumé sé ndzəv yee Arnon, aá kù sì moo menə́n me á kèmèn fó laʼ, mè wáa kàtìr féŋ.

Ŋgàn 21:16

A wìr ŋwáy yéʼéy ye yí fó vifií, bo wù kù wíy jòʼsì a dzə̀ wùn à kpúu.

1 Korin 7:20

Wìr dzə̀m ku gòʼ, a dzə mo Nyùy‑iì li wun, a wù dzə̀.

Jona 1:3

Jona nèn tèn ntum Nyùy Tàr, a leʼ, a dù e Tarshish ji wun wàá lay á fo Nyùy Tǎr si. Wù sə́y é Joppa, e shùu rìbà ndzə̀v, e yèn màkìkoŋ wo wù‑uù du e Tarshish. Wù nèn làʼ kikóŋ kee shooy, e nə̀ə́ sho ji wùn à vé kikoŋe wáa dù e Tarshish fo wù‑uù kwaʼ ji wun du, e lày a fo Nyùy Tǎr si.

1 Afòn 19:9

Elija‑aà mèé fó, e nə̀ə́, e shìíy e mbvə̀ʼ yìmòʼ. Nyùy Tàr ku nèn sùŋnín e wun, e dzə̀r jii, «Elija, à yii ka fen?»

1 Samuel 22:5

*Ŋgaà ntum Nyùy woo Gad wìy lò, e sùúy e Davir jii, «Lá à yòʼ dzə́ə a shiíy fèn e kilìr. Lò, a dù e wòŋ woo Juda.» Davir nèn lò, e dù e kòv woo Heret.

Ŋgàn 26:2

Aà shóv wír là njò, bo kí kù‑úù tsə́y kitú, moo shinə́n she shí ján janén, à shighaà she shí féŋ feŋén, e làa yòʼ koóy ghán sée bàʼrì láʼ.

Kèʼlo 4:16

Keen ku nèn lò fo Nyùy Tǎr si, e dù, a dzə e wòŋ woo Nod. Nod və̀n‑eè dzə̀, e lò fo Eden, a dù e mbìv ye shùy yii tó fo fo.

Ŋwàʼ Jud 1:13

Á kfə́n a dzə sa moo ndzə́v lome, ye shwéri lóo tsəy, vifə́yfə́y ví wàa fə̀ʼ, a dzə̀ joonè wo áwune yii. Aá kfə̀n dzə̀ moo mejiy me mè kár karín, a bó mè yòʼ sə́ŋ fo Nyùy keèrìn. A Nyùy nàŋsín ne kirə́ʼ é ŋòròʼ wo wù sə́n ji cùm fo wù wíy way áwune, aá wáa neŋ fo viyá viyá là may.

Kèʼlo 21:14

Ndzə bvəə́shí, e jàv, Abraham nèn lì vifá ve yi wùn à kitém ke mendzə̀v kí, e fò e Hagar. Wù shúr é mbèʼ wo, e shàʼtì ji wùn wàn ku dù a duùn bey. Hagar nèn lì kiwuú é dzəə, a ghan, a jan e woʼ yeé Beersheba.

Ŋgàn 27:7

Wìr yíkir, kúrí, wù tèn ghám vilù. Jìŋ lóo yar wír, wù wàa yi kifá kidzə̀m, là nyaʼ.

1 Afòn 11:22

Farao dzə́r ji wù sà buu ka é Ejiv, e bó a tàʼ ji wun wáa kfən e bàm aáwuné wòŋ a? Hadad bìnèr jii, «Kifá ki yòʼ à búŋé, yii bèy, á ku màʼtì, é wun wàá kfə́n.»