Ŋgàn 27:6 - ŊWÀʼ NYÙY

⁶ Ŋkar yè lóo naàrì wò, a kù a sheʼrí wun. Ŋgaà vibàn lo kfə́, wù baàmé wò, a nyòʼtì.

Ŋgàn 27:6 Referans Kwoze

Nsùyrì Nyùy 141:5

Wìr wo juŋ lóo roòmè jay wom, bo sì kinyo ke juŋ ki. Wù naarì mo náarin, bo sì mbùʼmé mo wù buʼ mo shó, a bó yòʼ dzə̀ m wàa ten. Ké wìr ve bi kí dzə̀, a m bunrì ghán sidzə̀m ji lá vinyo vév ví yòʼ a ghan.

Ŋgaà Yen 3:19

Vèn wáa kuumé jii, m yii lóo kòŋ wír, m kù a saʼ, a sə̀r ji wù fíʼ fiír. Vèn ku nèn lèm vinyo ve m suuy vìn e vifii, e bìnèr melív men, a yiì mo ví dzəə̀n.

Hibru 12:10

Atàr vesəné kù‑uù sər vèsən fo shintàm she vèsən‑eè dzəə̀n atérí, a vé‑eè sər a dzə̀ mo áwune kwaʼà. Nyùy nén a sə̀r kfə́ vèsən, a wù kì féyì mo dzə̀ wù sə̀r, é vèsən fíʼ a dzə moo wun, a dzə wír və́ ve ruú.

Ŋgàn 10:18

Bàn, e lìtì dzə̀ ŋgaà kimboʼtì. À bívir yír wìr, à dù é kiyuŋ.

Ŋgàn 20:30

Á dzəv wír, lémerì, wù màʼtì yii ye bií, shóʼ virə́ʼ e ŋgwàne, wù kùvsín kwaʼtì rə́.

Ŋgàn 27:7

Wìr yíkir, kúrí, wù tèn ghám vilù. Jìŋ lóo yar wír, wù wàa yi kifá kidzə̀m, là nyaʼ.

Ŋgàn 28:23

Aà dìn jay wìr, bo wù yíi lò fo bàm, a kòŋ wò, e shaà ké ŋgaà wo wù leerì wun e shúu.