Ŋgàn 27:4 - ŊWÀʼ NYÙY

⁴ Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Ŋgàn 27:4 Referans Kwoze

Ŋgàn 6:34

Dòʼshwiiy lum ŋáʼay e kishiíy fó, é wù siir ŋkfə́tír là mendzən.

Ŋgàn 14:30

Shilív shee nyaáŋ shí yii faŋèr wír, a kinsiimè ki reŋèr wír réŋerin.

Lim Aŋgàa Ntum 7:9

«Atàr vesən víyi nèn wìy ghèʼ fər wov Joosev, e fiìnè, wù wáa dzə kwàn é wòŋ Ejiv. Yii bèy, Nyùy kú a leéy fo wun,

Matio 27:18

A wù‑uù dzə́r bèy, bìʼ fo wù‑uù kiìn jii, vé wòŋe kòʼór Jesus e kibàʼ e wùn si bèn, aá gheʼ a ghèʼèn.

Ŋwàʼ Jov 5:2

Rúrú, a kiyúŋ kí shwiiy kilòŋ, bo a dzə̀ dòʼshwiíy yùyrí wun, njìʼ wáa yu nyár wìr, bo yí kù‑úù yúyrí wun.

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Lim Aŋgàa Ntum 17:5

Wír veé Juda ve vé‑eè tenené nèn a ghèʼ Por wùn Silar, e bàʼtí wír ámóʼó ve vé‑eè ghán, sev kisáŋ, wùn áwune kèʼ melaà. Ntèʼ nèn tàtí e dzə̀m, e keèmè, e dù, e kìv lav Jason ji á taʼ a Por wùn Silar, e fəə́r, e fo e wír vee fó ndzəə.

Yòv Viŋgér 8:6

Kii wò tàr à wíri, ku wày mo e wò shiliv moo kifin, e wày moo mbàm se nsoʼ see wáy é koy. Mo kpúu kér vitaáví é ŋàŋ, bo dzə̀ sá mo kikoŋnìn kesò ki dzəə̀n, a bó jìŋ ye yì yár ŋgaà ŋkòŋmé bìʼ wùmòʼ yòʼ fó sa shiŋkfəŋ, réŋréŋ mo woŋ aŋkfəə yòʼ fó sa e wìr msòŋ. Rúrú, koŋ ye tàr à wíri koŋ mo shóo baári moo kiliímé ke və̀y, baári, koóme virə́ʼ moo və́y wo wú ghàmsìn.

Kèʼlo 37:11

Afə́r Joosevi‑iì yú a dzə̀ nyár rə́, yii bèy, tàr wov ku yòʼ lèm kfə́ kinyo kìn e vifii, a lò, a kuumé.

Kèʼlo 26:14

Wù‑uù kér ŋgoo se bvəy wùn à sé nyàm si, kfə̀n kér vé lìme anín. Bìʼ kee shooy, wír veé Filistiàa nèn a bàn wun.

Ŋwàʼ woó Rom 1:29

Á nén a dzə ji afon vinyò ve kisaŋ vi, a yiì a dzə̀ vinyo ve bi ví, a siimé kinsiimè, a wìr kù leey wír a dzə̀ e sí ye bií. Aá kfə̀n gheʼ kighèʼ, lo, á yùyrí wír. Á lóo dzə, á kù a nyàmnìn nyàmnìn, ghán, kár a dzə̀ menàŋ, a kày kù kér a dzə̀ shilív she bi shí wùn kày, duú viduú,

Lim Aŋgàa Ntum 5:17

Taà cù wo kuʼùn wùn à ŋgoo rə ye dzəə̀n wír veé mbìv *Sadusii nèn kèʼ, a ghèʼ aŋgàa ntum Jesus,

Ŋgàn 27:3

Tíyí dzərì, a síy si dzər sa, yii bèy, a tínsín ye kiyúŋ kí tínsin wíri dzə̀r, e shaà vidzə̀m.

Kèʼlo 38:9

Onan kiíy ji wun bèn sí lem a dzə̀ á vitsə́ʼ vé ŋkfə fər və, wù lóo lì wiíy və̀n, wù nèn a fəə́r shindzə́v a dzə̀ é kwaʼ ji lá ŋkfə fə̀r yòʼ wìy a ker a wán.

1 Samuel 18:9

Kèʼ fo kishiíy fóo fèy, wù ku nèn a leéy Davir e sí ye bií.