Ŋgàn 27:3 - ŊWÀʼ NYÙY

³ Tíyí dzərì, a síy si dzər sa, yii bèy, a tínsín ye kiyúŋ kí tínsin wíri dzə̀r, e shaà vidzə̀m.

Ŋgàn 27:3 Referans Kwoze

Daniel 3:19

Mo áwune bìnèrìn bey, kinyo kìy ki nəə́ e Fòn Nebukadnessar vighìy, rə́r sə́ sí kúvsín bìʼ Shadrak wùn à Meshak, à Abednego. Wù nèn fò sáʼ e vé lìm vəə́ ji á yuŋri á və́y é kimbiirìn fèy, é kí ríʼsín, e shaà mo kí yii lumè.

1 Joon 3:12

A bó kí yoʼ ghèén ji vèsən wáa yiì moo Keen. Wù‑uù dzə̀ kfə́ wan Satan woo ŋgaà vinyò ve bi ví, e nèn lò, e yùyrí wan yè wov. A yì‑iì yiì ka, bo wù wáa yuyrí fə́r və? Wù‑uù yúyri, bìʼ fo wù‑uù yii kfə́ a dzə̀ vinyo ve bi ví, a fər və yii ve juŋ vi.

Ŋgàn 17:12

Kí bòŋ, é wìr bvə́y e kiyìy ké bvərə̀ʼ ke á koon wán kí kitu, e shaà fóo bvəy e kiyúŋ kí kitu, e yen kiyúŋsì kfə́.

Kèʼlo 49:7

Dòʼshwíiy wov dzə̀ e biíbí, melív mev mè sə́n é ŋàŋ, a lòné dzə̀ wóv. M wíy bvəə́r áwune, aá sáŋrí e wír Jakoví mvəm. M wíy taʼár áwune é nsay Isray.

Ŋwàʼ Jov 5:2

Rúrú, a kiyúŋ kí shwiiy kilòŋ, bo a dzə̀ dòʼshwiíy yùyrí wun, njìʼ wáa yu nyár wìr, bo yí kù‑úù yúyrí wun.

Ŋgàn 12:16

Wúné kin kiyúŋ, à yèn dòʼshwíiy və, fiì ŋwày kfə́ liy ŋwáyín.

Ŋgàn 27:2

Lá à yòʼ a burí kitú ké, kí ghèén ji wáa burí wír wo sən wò. Bòŋ é wáa burí kiŋgwìy wò, e shaà fo kfə́n a fìʼtì wò kitú ké.

Ŋgàn 27:4

Wìr woo ŋgaà dòʼshwiíy tínsin wíri tinsín là mendzən, yii bèy, a ké ŋgaà kighèʼ ki fòy kfə́ fóyin ji wòʼ.

Kintaŋ 22:27

Kimbèʼbìy kí yén, a nshìylav Nyùy tíy fo, e nèn neèm neèmèn é nsay, a Balaam kù dzə́ e kitu wo. Wù nèn lò, e shwìíy kilòŋ é ŋàŋ, e lì mbàŋ rə, a dzə̀v kimbèʼbìy shó.