Ŋgàn 27:24 - ŊWÀʼ NYÙY

²⁴ Mbàm si yòʼ wíy dù, e jòʼsì, a bó ntáráʼ yòʼ wíy shaàrì e ŋgwàʼ si sidzə̀m.

Ŋgàn 27:24 Referans Kwoze

Ŋgàn 23:5

bìʼ fo à lóo yen ji à kùʼ ne, vikuʼùy vee shooy vi nèn kù ŋeèmé, e lày. Ví kù dzə̀ kfə́ moo lùŋ wo wiy, wo wù lo, wù fèŋ, e dù duùn é yuv.

Aysaya 9:7

Sáʼ rəə́ kù wíy a kuy, a dù duùn fó mbìy, a kitúm kfə́ kí kù wíy a neŋ e mvə̀m vikùʼùy ji dèʼ. Wù wíy a saʼ ji njìlaʼ Fòn Davir, e kù a tiy a dzə̀ é kinyò kee réŋ kí, a saʼ vifon və́ tìítiy, là kiloʼ, a bó sáʼ rəə́ yòʼ wíy mày. Nyùy Tàr woo Taà Mànjòŋ kù wíy yiì kinyo kìn bìʼ shíi və.

Jeem 1:10

Wo dzəə̀n ŋgaà bùʼ ku nèn a sheʼrí kfə́ mo á sí yén wun lèn fo tèr, bìʼ fo wù kiìn ji dzə̀ wun kù màʼtì bùʼ və réŋréŋ moo viŋgà ve ví buy lèn, ví kù nèn yòvrí.

Tsəfaniya 1:18

Wíy lòo dzə e kishiíy kin ke Nyùy Tàr maʼ ŋgeʼ e wírí kitu, a wìr fə̀m kér káv e le, bo yòʼ dzə̀ wú tìn ŋgaàŋ. Nyùy Tàr wíy shwiíy kilòŋ, e tòn kitú ke nsay e və́yí. Wù wíy sàsìn, e laàr wir dzə̀m wo wù dzəə̀n é kitu ke nsay.

Nsùyrì Nyùy 89:36

Rám rəə́ wíy shaàrì. M wíy a shìy vifon və́, a shìy, e meé mo shùy wíy a ban.

2 Samuel 7:16

Rám yée kù wíy a dzə fo ghán sidzə̀m, é sáʼ yée wáa tiy fo là may. Kàvàʼ wò kù wíy a tiy fo ŋkuuŋkùŋ.› »

Ŋwàʼ Jov 19:9

Wù tàtí ne kéŋ yém, e kweèy e dzə̀m, e dzə̀n ntáráʼ fo mǒ kitu.

Nsùyrì Nyùy 89:39

À fə̀tí ne wó yé fo mensàŋ, mensaŋ me wò‑oò gwàrìn vèn wìr wò lìm. À dzə̀vrì ne ntáráʼ və é kibvə̀r.

Jeremia 13:18

Nyùy Tàr yòŋ e mo jii, m suúy á e fòn wùn yaà yeèfòn jii, «Vèn sə́ʼə́y fó kàvàʼ. Vijuŋ ve ntáráʼ won ví mày ne. Ví keèsí ne fo věn kitu.

Yòvdìy 5:16

Nsiì wo vèr‑iì bínsi lày ne, lòné shóv ver, bìʼ ajay vér.

Esiker 21:26

Yú kinyo ke mo woo Nyùy Tàr woo Taà Ndzə suuy ki. «Shóʼ tán ye ndzəméné, e shòʼ ntáráʼ. Vinyo vi yòʼ dzə̀ə́ lèn mo ví‑iì dzəə̀n. Kóʼór aghéʼnceyí, aá wáa saʼ, e sə̀ʼə́r vé saʼa é nsay.

1 Samuel 13:14

Yii bèy, sáʼ yée sèéy ne fèn. Nyùy Tàr shòʼ ne wír wo wù gheenen wun, e lèm ji wù wáa saʼ a wír və́, bìʼ fo bó à yoʼ yùnín nsər Nyùy Tàr.»

Ŋgàn 23:4

Lá à yòʼ kù a tàŋèn ji à kuʼ. Ku fìír, e bàʼàr kitám kee bey,

Ŋgaà Tàrvìnyò 5:13

M lèéy, e yèn kinyo ke bi kímóʼ kí ke kí kooy e sar shùy fèn, a kí dzə̀ jii, ŋgaà mbàm lo, wù wàa bonén, a lèm mbàm sə́, a sí lo, e nèn fo wun a dzə̀ nyár.