Ŋgàn 27:23 - ŊWÀʼ NYÙY

²³ Á leéy fo wò nyàm kijuŋ, a way vifií ví e wò ŋgoo se bvəy.

Ŋgàn 27:23 Referans Kwoze

1 Pita 5:2

A m tír ven jii, vèn kú a leéy a fo kintatì ke Nyùy wayin e věn kiwo ki, a dànèr mo wìr yii danèr njiì və. Vèn wáa leéy feyì kijuŋ ji kòŋ a ven, e làa yòʼ a leéy mo á kàn ven kánen. Lá vèn yòʼ a leéy, a dìy mbàm, bìʼ fo kee shooy ki dzəə̀n woómé se kuʼùn sí.

2 Wòŋ 26:10

Wù kfə̀n‑eè bàʼrì virùmèn e mbìv wòŋ fo fóo dzəə̀n wóʼ wóʼ, e nèn tùŋ bií sé ndzəv fó sinín, bìʼ fo wù‑uù kér nàʼ nyanyày, e bvə̀m agwan wùn ǎ mboʼ. Wù kfə̀n‑eè kér sa vé lìme anín, aámóʼó lim e sum sé vitiír vé *vayin, aámóʼó lim e sé vifa ve yi si. Súm sə́ símóʼ sí‑iì dzə̀ áàgwan, a símóʼ sí dzə̀ é virə̀ʼ fo nsay ye borín‑eè dzəə̀n. Fòn Ussiya dzə̀ wír, a wù‑uù koŋ súm féyì.

Kèʼlo 33:13

Yii bèy, Jakov suúy e wun jii, «Kitù kem, à kì ji wón vémé dzə̀ə́ aŋeérín, a nyám see ayǐy won sí dzəə́ nyoor wón vév. Aá lòo dzə e kàn, sí ghán cércér, bo ndzə lóo ji, é sí kpúkír.

Ŋgàn 24:32

M yén, e keèrí kwaʼtì, kí yéʼéy mo kinyo.

Joon 10:3

Wù lóo wìy, wìr wo wù shiy shúu kày kù nèn mvə̀ʼ. Wù nəə, wù yòŋrì njiì və é yír, yir, á kù nèn kìíy jí rə, e wìykìr, wù tsəə̀né, e fəə̀ shó fo kày.

Esiker 34:31

«Wìr vem, vèn dzə̀ njiì wom, njiì wo m danèrì, a m dzə̀ Nyùy won.» Suuy Nyùy Tàr woo Taà Ndzə.

Remrí 32:46

e yòŋ aáwune jii, «Vèn ku wày ŋàŋ, a lèm vinyo vidzə̀m ve m tiirin e věn wùn lán və̀n. Vèn kù wíy a tir wón vén shó, aáwune ku yèn ji á lem á nsər sìn sidzə̀m, a yiì réŋréŋ mo yéʼéy Nyùy Tàr rə́ne dzəə̀n.

1 Samuel 17:28

Fər Davir woo ŋgàywìr woo Eliav yú, a Davir gháy wùn à wíri bey, kí nyár wun e ŋàŋ, wù wáa dzər jii, «À kì sə́y, e yiì ka fen? À màʼtì mewón me njiì meé woʼ e la? M kì kitú ké ke tavín kí wùn à shií wo à lo, à wàa ker fo vinyò. À kù wìy fèn cáʼ ji à wiy, a kiy a mo á maʼ rə́r.»

Ŋwàʼ Fəə 7:23

Farao nèn lì sa kin kee kinyo fo tèr, e bìnkìr, e kfə̀n é bàm e wun ntoʼ.

Ŋgàn 24:27

Báʼtí súm wóo, e lìm, e wày ŋgoòy se vifa sho, fo bàm, à nèn bàʼrì lav yè.

Jeremia 31:10

«Éè vitum, vèn yuúrí kinyo ke Nyùy Tàr kí, e sàmèr e virə̀ʼ ve ví dzəə̀n é ghaa rìbà ndzə̀v é ndzəywoŋ. Vèn ku fìʼtì jii, wun wo wù taʼarin wír və́, kù wíy baʼtí áwune, a leéy fo fo, kù mo nshìy lèéy fo wun ŋgoo nyàm.

Esiker 34:12

M kù wíy a tàʼ njiì wom réŋréŋ mo nshìy yii taʼ e ghan se və́ə bvəərin. M wíy tàʼ áwune, e fəə́r fo virə̀ʼ ve áwune‑eè taʼrin, e dùkìr sho, e tàʼrí e kishiíy ke ŋgeʼ‑eè nəən áwune, e sùm moo mbàʼ.