Ŋgàn 27:22 - ŊWÀʼ NYÙY

²² Aá fə̀m lì kiyúŋ, a tsəy e kikoŋ, a tsəy mo á tsə̀y ŋgwàsáŋ bo bó yòʼ dzə̀ kiyúŋsì kfə́ kí mày.

Ŋgàn 27:22 Referans Kwoze

Jeremia 5:3

Rúrú, Nyùy Tàr, à taʼ a dzə̀ ŋgaà suuyrú. Wò‑oò shwìvír áwune, la á yòʼ fə̀m gwàrìr. À wáa tàʼ e səʼsí áwune ŋkuuŋkùŋ, la áwune yòʼ yèʼéy kinyo fo fo. Áwune kù táv a dzə̀ kitú, tén fó kuvsín.

Ŋgàn 23:35

À yii lò, a làmrì jii, «Vé‑ee ndzə́n mo, a m yú ji m lèm a? Vé‑ee dzəv mo, a m yú à? M yíi lò e yuv é ghàn ka, e bó a tàʼ memoʼ mè?»

Aysaya 1:5

Vèn taʼ ji Nyùy kú a ker ven a dzə̀ é wo ye tavíné ji ka? Vèn shaa fo mbìy, tsə́y kóy vèn à Nyùy bìʼ ka? Vèn sí kér vileémé é kitu, mo wù dzə̀vìn ven, a vifií vén ví kù sí bvəə́ri bvəə̀rín.

Ŋwàʼ Fəə 12:30

Wìr dzə̀m woó Ejiv túm é yuv, à Farao, à vé saʼ vəə́ shó. Tóŋ ye tavíné wáa dzə woŋ Ejiv e dzə̀m, bìʼ fo kpúu yòʼ‑oò lo nyàʼ lav yìmòʼ.

Ŋwàʼ Fəə 14:5

Mo wír veé Israyi loòn, á nèn bùn fon woó Ejiv ji wír vìyi lèʼ á ne. Wùn aàtǎr ntoʼ vəə́ nèn kfə̀n kùvsín kwaʼtì ye vé‑eè kér bìʼ wír veé Isray, e yòŋ jii, «Vèsən mùm kee ben a dzə̀ ka? Vèsən ghàn é le, e bóo màʼtì wír veé Isray, aá léʼ, é vèsən búŋ akwàn?»

Ŋwàʼ Fəə 15:9

Ŋgaà vibàn dzə̀v nsaŋ jii, ‹M yíi jùm áwune, e koo. M yíi jàv káv wóv, e lì mbìv ye m koŋè. M yíi shoʼ nyùy yem, e laàr áwune e kiwó kém kí.›

Ŋgàn 26:11

Mo jwi suʼ kifá, yì kfə̀n a yi, bo kù dzə̀ sá réŋréŋ mo kiyúŋ kí rúvti kiyúŋsì kfə́.

Jeremia 13:23

A dzə̀ wìr woó Etiopia kùvsín nshòm rə á? A dzə̀ baá kùvsín vishom və́ á? Bo yòʼ dzə̀ sá ven ve á merìsìn ne a dzə̀ yíi kisaŋe, vèn kfə̀n yiì kinyo kee réŋ kí.

1 Samuel 19:21

Saul yú, e kfə̀n tsə̀nsí ámóʼ vee wíri, á dú, e nèn kù a yòv, a taŋ Nyùy. Wù kfən tùm wír fo akàŋ vee ataár, kí ku kòóy áwune réŋréŋ bey.

1 Afòn 13:33

Vinyo vìn vidzə̀m vi koóy ben, la Fòn Jeroboam yòʼ fèn màʼtì liì və kisaŋ. Wù kú a lèm atàá cù ve á wáa leéy virə́ʼ vé cù, a wù shóʼti fo kfəə sidzə̀m. Wìr lóo dzə wo wù koŋ a dzə taà cù, Jeroboam kù nèn lì ji taà cù woó kirə̀ʼ ké cù.

Ŋgàn 14:24

Ntáraʼ afiì, kù dzə̀ vikuʼùy ve á kooyì, a tán viyuŋé kù dzə̀ kiyúŋsì ke á yúŋsi.