Ŋgàn 27:21 - ŊWÀʼ NYÙY

²¹ Á kù yii ton *kisha ke mbàm e və́yí, é bo á yén wúntí kíwun, kù dzə̀ mo à yii kiiy wír mo wù dzəə̀n, a dzə̀ bìʼ búrí ye á búri wun.

Ŋgàn 27:21 Referans Kwoze

Ŋgàn 17:3

Á yii sheŋrì *kisha ke mbàm ke fəvír kí, à ke baar kí e və́yí, a kù dzə̀ mo Nyùy Tàr tar melív me wíri.

Sekariya 13:9

Ashàr wìr vìn, é m wáy é və̀y, e shèŋrì mo á shèŋrì *kisha ke mbàm ke fəvír kí. M kù wíy mùm áwune e və́yí, mo á mùm kisha ke mbàm ke baar kí. Áwune wíy a mbaà mo, a yòŋ yír yém, é m yú bunrì yév. M wíy yòŋ jii, ‹Víne dzə̀ wír vém,› aáwune bínsí jii, ‹Nyùy Tàr dzə̀ Nyùy wor.› »

Nsùyrì Nyùy 66:10

Rúrú, Nyùy, à mùm ne ver. À mùm ne ver moo kisha ke á tònèn é və̀y, *kisha ke mbàm ke fəvír kí ke á tònèn, e shèŋrì.

1 Pita 1:7

a kiíy jii, sí kooy bèy, aá fíʼ yen ji vèn wày rú shilív e Kristu wùn. Mo á kù yii mum kisha ke á fer mbàm sho e və̀y, e bó a shèŋrì, a dzə̀ kifá ke kí wíy mày, bo dzə̀ á kù mùm sa ven, é vèn fíʼ màysì, e wày shilív e Kristu wùn, wíy lóo dzə e kishiíy ke wù wíy kfən, aá wáa burí ven, a meér yír yén.

Malakay 3:3

Wù wíy wìy, e shèŋrì rám Levi mo taà kilàm shèŋrì kisha ke fəvír kí e və́yí. Rúrú, wù wíy a shèŋrì áwune mo á shèŋrì *kisha ke mbàm ke baar wùn à ke fəvír kí, e dù meé mo áwune wíy yiì cu yee réŋé e mò woo Nyùy Tàr.

1 Pita 4:12

Ŋkàr sem, lá vèn yòʼ a ker gháʼ fo ŋgeʼ se sí kooy ven, a vèn shwí sho moo və́y, mo dzə̀ kinyo ke fíy kímóʼ kí. Sí mum ven múmen, é vèn fíʼ màysì, a tiy a dzə̀ e Nyùy wùn.

Nsùyrì Nyùy 12:6

Jí se Nyùy Tàr sí dzə̀ rú là kiloʼ, moo *kisha ke mbàm ke á tònèn é kilàm, e rànér kàŋ saàmbà.

2 Samuel 14:25

Absalom‑eè dzə̀, a bó wìr wùmòʼ yòʼ dzə̀ shó wo wù‑uù bòŋèn moo wun, e kàr woŋ Isray, e tàr. Wù yòʼ‑oò kér nsem, e kèʼ fo wuù, e koʼ meé e kitu.

1 Samuel 18:30

Ghán sin, wír veé Filistiàa kù‑uù lo, á wàa fəə, a màʼ rə́r. Fo rər sidzə̀m se vé‑eè maʼà, Davir kù‑uù tòn áwune tónen e shaà vilìmbìy ve rər vé Saul vímóʼ ví. Yír Daviri ku nèn a dù, á wáa kiiynín wun feyì ji wír wo tavín.

Ŋwàʼ Luk 6:26

«A vèn dzə́, a wìr dzə̀m búri ven búrín, bo ŋgeʼ dzə̀ yéen. Vèn wáa kiíy jii, kù dzə̀ mo atǎr wìr vee shooyi‑iì búri wír, a dzə̀ ve vé‑eè bóʼti áwune ji á dzə̀ *aŋgàa ntum Nyùy.

Ŋwàʼ Jov 28:1

«Dzə̀ suuyrú, bií dzə̀ shó fo á yii túŋ *kisha ke mbàm ke fəvír kí, a kirə́ʼ kí dzə̀ shó fo á yii sheŋrì kisha ke mbàm ke baar kí.