Ŋgàn 27:12 - ŊWÀʼ NYÙY

¹² Wìr fiirì, yén kinyo ke bi kí, wù bàʼàr, njìʼ nə̀ə́ kfə́ shó nəə́n, a yen ŋgeʼ.

Ŋgàn 27:12 Referans Kwoze

Ŋgàn 22:3

Wìr fiirì, wù bàʼàr kileémé, kiyúŋ kí nə̀ə́ shó nəə́n, a yen ŋgeʼ.

Ŋgàn 18:10

Nyùy Tàr dzə̀ kirə́ʼ ké kilìr ke tavín kí, wìr wo wù yú Nyùy, léʼ tó fo, wù bòy.

Hibru 11:7

Noa wáa dzə sa, a wù‑uù wày shilív e Nyùy wùn féyì, Nyùy tír wun fo kinyò ke kí‑iì wíy koóy, a bó wù yòʼ fə̀m sí yén kisəəm, wù ku nèn biìmé, a yiì mo Nyùy suuyin. Wù‑uù bàʼrì lúm kikoŋ ji wùn à kfə́ə rəə́ nəə́ shó, e fíʼ wìy bòy fo ndzəv. Mo kù‑uù yuun wun ntir Nyùy rə̀n wùn mòʼón, wù nèn a dìn ji kibér ke wìr veé ndzə adzə̀m ki kù‑uù sì wír ve bií. Nèn a dzə wun woo Noa wo Nyùy‑iì liìn ji wír woo là jay, bìʼ fo wù‑uù wayin shilív e wun wùn.

2 Pita 3:7

A kù dzə̀ mo wù‑uù suuyin sá ji nsay wùn à yúv wo wú dzəə̀n lène waà wíy shwi, a wù shiy a dzə̀ kishiíy ke wù wíy saʼ wír ve á méŋ wun adzə̀m, e laàr.

Matio 3:7

Wù lòo yen, a wír veé mbìv *Farasi wùn à veé mbìv *Sadusìi wiy sa ji wù wáy áwune é ndzəv, wù yòŋ aáwune jii, «Abúv vìn, tìr la ven, bo vèn wáa wìy, a kwàʼ ji dzə̀ vèn bòy fó ŋgeʼ ye Nyùy wíy màʼ e věn kitu?

Hibru 6:18

Mo wù‑uù kàʼàn, e kfə̀n lìʼ, vinyo vìn vi nén a dzə vibaà ve bó yòʼ dzə̀ ví shaà fó ghaŋ, bìʼ fo vinyo vee shoon vi fəən a dzə̀ fo Nyùy shuù, a bó wù yòʼ yii bóʼti kimboʼtì. Kí nén a lùmèr melív mèsən ve á nəən ne e Nyùy sar, ji á fíʼ lùŋ vìn, á wáa ghar ŋkàʼmé və kitávín, a leéy a dzə̀ fó mbìy.

Ŋgàn 27:11

Wan wòm, á dzə fií, e yiì, é m wáa yu vijuŋ, é m bóo fíʼ sətí shúu wìr wo wù say mo.

Ŋgàn 27:13

A wìr lò, e tìím mbìy ji kiŋgwìy ki foo kifá, á kù sə̀ ndzə̀y sə́. Wù wáa tiím mbìy ji wiiy viŋkar foo kifá, bo wù kù‑úù tiír kitú kfə́.