Ŋgàn 27:1 - ŊWÀʼ NYÙY

¹ Lá à yòʼ a dzə̀v nsaŋ bìʼ kibvəə́shí, bìʼ fo à yòʼ kiìn kinyo ke kí yíi koóy.

Ŋgàn 27:1 Referans Kwoze

2 Korin 6:2

Vèn kuúmé kinyo ke vé‑eè saŋen ji Nyùy suuy a jii: «Mò‑oò ji ji m wáa sə wíri, a m kì yù ne tóŋ yé, e shàm wò. Mò‑oò lóo lùŋèr wíri, e nèn kù sə̀ wò.» Vèn wáa kiíy ji ghán se dzə̀ Nyùy yù sin si dzə̀ lèn. Á lèn wo dzə̀ wù lùŋèr wíri.

1 Samuel 28:19

Nyùy Tàr yíi way vèn à wír veé Israyi e wír veé Filistiàá wo. Bvəə́shi lòo dzə kibvəə́shí, é vèn à wón vén vee vilume tátí mo áàŋkfəə́ wòŋ. Nyùy Tàr kù yíi way vé rər veé Isray adzə̀m e veé Filistiàá wo.»

Aysaya 56:12

Wìr lo, wù kù a suúy e wùmòʼ jii, «Vèn wáa wìy, é vèsən du, e m taʼ meluʼ, aá nó. Vèsən ku nò meluʼ me tavkín mè, e tònén, é buù kpú. Vèsən nónín, é kibvəə́shí kí bvəə́shí, a dzə kijuŋ feyì moo kishiíy ké lán ki.»

Nsùyrì Nyùy 95:7

Wù dzə̀ Nyùy wòsən. Vèsən nén a dzə wír və́ ve wù danèrì. Vèsən dzə̀ moo njiì wo wù leey fo fo. A vèn yù, a Nyùy yoŋ ven lán,

1 Afòn 20:11

Fòn Ahav bìnèr jii, «Lá wìr wo wù dzəə́ fəə́ rə́r fəə́n yòʼ a binsí nsiì moo wír wo wù màʼàn ne a, e kfə̀n é bàm.»

Esta 5:12

Wù kú a shaà fo mbìy, a suúy jii, «Bó kém kí yóʼ ne mày bèy. Yaà Esta sìíy, e kfə̀n kàʼ ŋkàʼ wúmóʼó, e làa yòʼ bi wír wùmòʼ gheéy, kù may mo cáʼ wo m duùn vèr fòn. A wù kfə̀n bì ne vèr fòn e wúmóʼ woo ŋkàʼá kibvəə́shí.

Ŋgaà Tàrvìnyò 8:7

Wìr yòʼ kì kibvəə́shí, a bó wìr yòʼ dzə̀ shó wo dzə̀ wù sùúy kinyo ke kí wíy koóy wun.