6 Aà tùm kiyúŋ, bo ntum yè nò ndzəʼ.
Wìr woo jwáʼ lo ntum, shilív shé ŋgaà ntum shi rə̀sìn, moo wír wo wù kavin vifá, e ndzə̀ʼnìn, e nò mendzə́v me rəə̀n mè, wúné rə́sín. Wù yii, a shilív shé tàr wov lìm shi rəsìnè.
Mo kiŋkway ke melùʼ ki yúy sóŋ, a kindzə́ʼ ki báy sí, kù dzə̀ sá mo njoó yii, a shilív shé tàr wov lìm shi nyárí.
Jívlày lo ntum, wù tò a dzə̀ é kinyò, ŋgaà ntum woo jwáʼ du, wù màʼ kfə́ a dzə̀ kimán.
Yii bèy, wír ve wùn áwune‑eè duùné nèn nyàysì nyàysìn jii, «A dzə̀ la vèsən yòʼ yiì kifá aáwune. Á tàvkír, e shaà vèsən.»
Ku kòrìr kiyúŋ kí kórisin, fo wù wáa yen kitú kfə́ ji fií.
A kiyúŋ kí maʼ ŋgàn, bo yì dzə̀ moo shwín ntèŋ wo wú lév levín.
