Ŋgàn 26:3 - ŊWÀʼ NYÙY

³ Mo ké nyàmŋkoʼ ki kù dzəə̀n sháŋ, a ké kimbèʼbìy kí dzə̀ ŋgwàn, bo kù dzə̀ mo ké kiyuŋ kí dzəə̀n ŋkoó.

Ŋgàn 26:3 Referans Kwoze

Ŋgàn 10:13

Á kiiy fií bìʼ kisúŋnìn. À yav lám, ŋgwàne toòmé wò.

1 Korin 4:21

Vèn koŋ kén ji m wíy lóo wìy, m yèe e vèn? Dzə̀ ji m wìy a wìy a dzə̀ e ŋgwàne, mo vèn‑éè biner melív men, é m wáa wìy ji weè, e shilív she juŋ shi á?

Nsùyrì Nyùy 32:9

Lá à yòʼ a yuŋsí moo nyamŋkoʼ, a yuŋsí moo kimbèʼbìy ké nyàmŋkoʼ, nyám, aá kù danèr a dzə̀ e sháŋ, kan kànèn, é bo yì yúnín, a dù.»

2 Korin 13:2

M nén a kàʼtì kiwó e wír ve vé‑eè yiìn liì kisaŋ vìyi, e kfə̀n a suúy sa e wìr dzə̀m, a kù dzə̀ kíwun ke mò‑oò suuyin é ghan se mò‑oò wìyìn ji akàŋ vee abaà, a m kfə̀n sí suuy lèn, a m dzə̀ fó səné. M kfə̀n yíi wìy lèn, é la wìr yòʼ dzəə bòy fo ŋgeʼ ye m yíi fo e ŋgaàŋ.

2 Korin 10:6

Vèn ku nèn tàtí vitú vén adzə̀m, a yu a dzə̀ fo Kristu, a kiíy jii, a wìr lò, a dzə sho wo wù kù dzəə́ táv kitú, bo m dzə̀ kibáʼtín fó lovtí e ŋgaàŋ mo dzə̀ m lòvtí.

Ŋgàn 27:22

Aá fə̀m lì kiyúŋ, a tsəy e kikoŋ, a tsəy mo á tsə̀y ŋgwàsáŋ bo bó yòʼ dzə̀ kiyúŋsì kfə́ kí mày.

Ŋgàn 19:29

Wír ve á shéʼ Nyùyi kù wíy a ker ŋgeʼlàʼ, é ŋgwàne shóʼ ndzə̀m viyùŋ.

Ŋgàn 19:25

Á dzəv ŋgaà jàʼ, anjìʼi yèʼéy vinyo fo fo, naarì wír wo wù kiiy jeéyjeéy fó vinyò, wù keèrí vifií.

Ŋgàn 17:10

Ntir yii kér nsàv e ŋàŋ fo wìr wo wù kiiy jeéyjeéy fó kinyò, e shaà kindzəv wií ke á dzə̀vìn kiyúŋ shó.