Ŋgàn 26:24 - ŊWÀʼ NYÙY

²⁴ Wìr lóo ker vibàn, wù wàa teʼtín e kiláyláy ke juŋ ki, a wù kér a dzə̀ kimboʼtì e wun shiliv.

Ŋgàn 26:24 Referans Kwoze

Ŋgàn 12:20

Wír ve á bá menàŋ e wírí bàmé, dzə̀ aŋgaà lám baà, a vijuŋ vi kù yii dzə́ vé wìr ve á maʼ kimán.

Ŋgàn 10:18

Bàn, e lìtì dzə̀ ŋgaà kimboʼtì. À bívir yír wìr, à dù é kiyuŋ.

Nsùyrì Nyùy 41:6

Wìr baŋrìn wiy, leey mo, wù wàa suŋnín lám e baà, a baʼtí a dzə̀ kighèʼ e mǒ bàm, fəə́, wù wàa sàmèr vitóŋtóŋ vidzə̀m.

Ŋgàn 14:8

Wìr fiirì, wù wàa kiíy jeéyjeéy fó vinyò, kiyúŋ kí lóo tav kfə́ ji wun kì, kí jày dzə́ə.

Ŋgàn 12:17

Wìr tiim vinjen ve ru ví, wù sùúy kinyo kee réŋ kí. Wìr tiim vinjen ve kisaŋ vi, wù bòʼtí kimboʼtì.

Ŋgàn 12:5

Wíri yúnin Nyùy, á gwàrìr vinyo ve réŋ ví. Wíri méŋ Nyùy, á wàa tiy a dzə̀ é kimboʼtì.

Ŋgàn 11:1

Nyùy Tàr ban mfìʼ vidzəə̀sì mbóʼmé, shéʼri mfìʼ yee réŋ.

Ŋgàn 23:7

Wù lo, wù yòŋ e wò ji á yi, a no, a wù dzə́ kfə́, biʼ a dzə̀ káv, yén ji à wày á ne wun e kilày.

Jeremia 9:4

«Wìr wáa kiíy kfə́ə ŋkar ye wù koó. Lá wìr yòʼ a way shilív e fər və́ wùn. Fər wìr kù sì ŋgaà kimboʼtì e wìr bàm moo Jakov, a ŋkar wìr kù sì ji ŋgaà kinsuʼ.

Kèʼlo 34:13

Wón Jakovi‑iì biíme kinyo ke Shekem wùn tàr wov Hamor‑iì suuyì e lámé é bvə̀m, bìʼ joonè wo Shekem‑eè yiìn e jèmèr yev.

1 Samuel 18:17

Saul nèn lò, e dìn wán və woo wiíy woo ŋgàywìr woo Merav e Davir, e sùúy jii, «M yíi fo e wò ji wiíy, aà fèn yíi a ker shilív shé a màʼ rə́r sé Nyùy Tàr shó.» A Saul suuy bèy, kwaʼtì ji Davir yíi lòo màʼ rə́r, é wír veé Filistiàa yúyrí á wun, é la kí yòʼ a dzə ji yùyrí a wun woo Saul.

2 Samuel 13:26

Absalom bùn fon jii, «Nyàr, a dzə̀, a fòn yòʼ du, fòn kù màʼtì a rì fə́r wom Amnon, é vèr áwune du.» Fòn bìnèr jii, «M yoʼ yèn shií wo Amnon du vèn wun.»

2 Samuel 13:27

Absalom kú a far fon, e dù, e mèé mo wù‑uù biimen ji Amnon du, é wón ntoʼo du sáa adzə̀m. Absalom dù, e bàʼtí ŋkàʼ, a dzə̀ wó afòn,

2 Samuel 20:9

Joav yòŋ Amasa, e sùúy jii, «Ŋkar yèm, à dzə̀ kitávín a», e nèn ghàr Amasa fo kighèv, e kiwó ke yìy kí ji wun baámé á wun.

Nehemia 6:2

Sanballat wùn Geshem yú kinyo kìn, e nèn tsə̀nsí ntum ji m wiy, é vèr áwune tár á e ntèʼ yìmòʼ fó ntèʼ seé mboʼ yeé Ono. Yii bèy, aáwune‑eè taʼ a dzə̀ dzə́ə yée sèn mo shó.

Nsùyrì Nyùy 12:3

Éè Nyùy Tàr, ku laàr nsùyrì woo fó shuù, à lám kinsùmrìwùné.

Nsùyrì Nyùy 28:3

Lá à yòʼ tàtí mo, e sə̀ŋ ji m kpú vèr à wír ve á méŋ wòo. Áwune dzə̀ aŋgàa yiì ye bií. Á kér kiláyláy ke juŋ ki, bin, kér kwaʼtì ye bií é meliv.