Ŋgàn 26:21 - ŊWÀʼ NYÙY

²¹ Mo á dzəy kikáysín, kí wàa ghèʼ ji káy və̀y, a meŋkaʼ mè shwí, dzə̀ réŋréŋ mo ŋgaà kinyàm kù yii keʼ melaà.

Ŋgàn 26:21 Referans Kwoze

Ŋgàn 29:22

Wìr lóo shwiíy kilòŋ, wù màʼ melaà, wìr lóo yu shilív, wù wàa bùʼtì vinyo vinín.

Ŋgàn 15:18

Wìr lóo lùm shilív, wù màʼ melaà, lóo kfəmén e wun dòʼshwiíy, wù sə̀r kitáŋnìn.

Ŋgàn 30:33

Mo á kar vín, yí wùr ji nyèbàm, tsə́y yúy, bùbùm sàʼ, bo dzə̀ sá réŋréŋ mo á ŋáʼar dòʼshwiíy, wù fə̀ə́r kitáŋnìn.

Ŋgàn 10:12

Vibàn ví lo, ví yìm kitáŋnìn, kikoŋnìn ki màʼ kimán.

Nsùyrì Nyùy 120:4

A dzə̀ wù tèrí ven e mvən se rər se sí njím si, e tòn ven e káy se və̀y se sí gheʼè si.

1 Afòn 12:20

Vinyo vìn vi koóy bey, wír veé Isray veé mbìv yee kuy adzə̀me lò, e yù ji Jeroboam kfə̀n á ne e bàm fó Ejiv, e nèn bàʼtí, e tsə̀nsí ntum fo wùn wó ji wù wàá wiy. Wù wìy, á nèn kòʼór wun ji fon woó Isray. Á bèy, nen kù jòʼsì rám Juda cáʼ ye yí‑iì yú sáʼ Davir.

2 Samuel 20:1

Ŋgaà ŋgeʼ ye foón wùmòʼ wáa dzə e Gilgal foo fèy, a yír rəə́ dzə̀ Sheba, a dzə̀ wír woó kfəə Bikri, a dzə̀ rám Benjamin. Wù nèn lò, e tòŋ sóŋ, a waamé, a suúy e wír veé Israyi jii: «Á mèŋ ne vèsən fó wìr Davir. Vèsən fəə́ fo wàn Jessi kinyò. Àáy, wìr veé Isray, vèsən wáa kfənkír e melav.»