Ŋgàn 25:2 - ŊWÀʼ NYÙY

² Vikuʼùy vé Nyùy vi yénsin e vinyò ve wù yii, litì sár kinyò lítin, a vé fòn vi yénsin a dzə̀ é vinyò ve wù sarì, a wíri yéné.

Ŋgàn 25:2 Referans Kwoze

Remrí 29:29

«Vinyo vímóʼ ví dzə̀ ve Nyùy Tàr woo Nyùy wòsən lèmèn é kilìtì. Yii bèy, wù fò ne nsər sə́ e vèsən à ŋgwàʼ sesən sí. Vèsən ku nèn a lèm sidzə̀m, e wìy dù, e mày.»

Ŋwàʼ Jov 42:3

À kì dzə̀r ne e mò ji m sà ghàn é le, e bó a moònìn vinyo ve à yii mo kiìn wò a? Rúrú, m lo fə̀ə́r rú vinyo fo shuù, a m yòʼ kiiy jeéyjeéy mo ví dzəə̀n, vinyo, a ví shaá vitaáví vém, a bó m yòʼ kì.

Ŋwàʼ Jov 38:4

Mò‑oò tuuy kitú ke nsay e wun kinsə̀ŋ, aà dzə̀ feé? Naàrìi, aà fèn kì jeéyjeéy fó vinyò.

Ŋwàʼ Jov 29:16

Mò‑oò dzə̀ tàr fó aghéʼnceyí. Lo, m tìím mbìy e wìr kinyò, a m yòʼ fə̀m kì ŋgaàŋ.

Esra 4:15

bo á kì kòʼ á kitáv ké aŋwàʼ ve atàr vəə́‑əə̀ saŋen á fo ŋgùʼ, e tàr a fo fo. Á yíi yen a ji ŋkàlaʼ rə̀n‑eè dzə̀ á ye antavkìtu, a vé‑eè sí fó a ŋgeʼ aàfone wùn aàŋgàa saʼ veé vishev ve wòŋe. A yì‑iì sì á kirə́ʼ ké melaà ki, e kèʼ fo yàŋgùʼ. Á kinyo ke kí‑iì yiìn, é bo á laar á fó.

Esra 4:19

Mò‑oo lo fò sáʼ, vé‑ee tar, e yèn ji ŋkàlaʼ rə̀n‑eè sí fó rú á ŋgeʼ aàfone, a yì‑iì dzə̀ kirə́ʼ ké antavkìtu, e kfə̀n a dzə kirə́ʼ ké melaà ki.

Ŋwàʼ Jov 40:2

«A dzə̀ wír wo wù biʼ mbìʼ wùn Ŋgaà Vitaàví Vidzə̀m, wù kfə̀n naàrì wun kinyo à? Wò wo à say Nyùy, bìnèr ri lèn.

Esra 5:17

Nyàr, a kí ben bòŋ wun, á fò sáʼ, aá tar á aŋwàʼ vimvə́mvə vé vinyò ve wòŋ ve á dzəə̀n é Babilon, e yèn á ji Fòn Sayrus sà‑aà lo fò sáʼ yee ji á kfən bàʼrì lav Nyùy e Jerusalem a, e nèn fò ver á rə́ə yee nshù kùm kinyo kee shoon.

Esra 6:1

Fòn Darius nèn fò sáʼ ji á tar á aŋwàʼ veé ntoʼ ve vé‑eè lèmèn é kitàv keé Babilon.

Ŋgàn 25:3

Mo yúví duùn, e dù làynìn, loònsay sə́y, e lày, bo kù dzə̀ sá mo shilív shé fòn shi dzəə̀n, a bó yòʼ dzə̀ wìr tàr.

Remrí 29:28

Á bèy, Nyùy Tàr nèn shwìíy kilòŋ é ŋàŋ, tímé ndzə́ʼ wun, wù túŋ áwune fo áwuné nsay, e rə̀ŋ e wòŋ wo səné, á wáa dzə fo, e wìy to lán.

2 Samuel 1:5

Davir dzə́r e wánlè nsùm və̀y jii, «À ghàn é le, e bóo kiíy ji á yùyrí ne Saul wùn wan və Jonatan?»

2 Samuel 14:19

Fòn dzə́r jii, «Kí Joav kì fó kinyò fèn?» Wiíy və̀y bìnèr jii, «Nyàr, rúrú, mo fòn dzəə̀n shó, bo yòʼ dzə̀ wìr lìtì á kinyo fo fòn. Dzə̀ á rú, kì tìr á Joav mo woo wánlè fòn, e wày á jí sìn sidzə̀m e mǒ shuù.

Ŋgàn 25:27

Vilu vee lá, e tònén vi yoʼ bòŋ, réŋréŋ mo nsùyrì wo wìr suyrì kitú kfə́ yoʼ bòŋ.

Ŋgaà Tàrvìnyò 1:13

M nen wày gháŋ ji m bónén, e wày vifií, e tàr vinyo ve á yii e ndzə fèn vidzə̀m. M tár, e yèn, a dzəʼə̀m ye Nyùy foon e wíri rə́ne dzə̀, a yí tàrír feyì.