Ŋgàn 25:1 - ŊWÀʼ NYÙY

¹ Ŋgàn se Fòn Solomon símóʼ sí sìne, a dzə̀ se wír Hesekiyàa wayin é ŋwàʼ, Hesekiya woo fon wìr veé Juda.

Ŋgàn 25:1 Referans Kwoze

Ŋgàn 1:1

Ŋgàn se vé‑eè baʼtin e Solomon woo fon woó Isray yir, Solomon woo wan Fòn Davir.

1 Afòn 4:32

Wù‑uù fèr ŋgàn si ansə̀kì ataár, e fèr luŋ si nshòv sitàn e nsə̀kì.

Mayka 1:1

Nyùy Tàr‑iì lo, wù wàa tiisí ntum rə e Mayka e ghan se Fòn Jotam‑eè sáʼ woŋ Juda, a tiisí e ghan se Fòn Ahas‑iì sáʼá, e kfə̀n a tiisí e ghan se Fòn Hesekiya‑aà sáʼá. Mayka‑aà dzə̀ wír woó ntèʼ yee Moreshet, a ntum se Nyùy Tàr‑iì tiisin e wun si‑iì kùm a dzə̀ ŋkàlaʼ ye wiy yee Samaria, à ŋkàlaʼ ye wiy yee Jerusalem.

Hosea 1:1

Vinyo ve ví dzəə̀n é ŋwàʼ fèn vi dzə̀ ve Nyùy‑iì lo, wù sùŋnín e Hosea woo wan Beeri, e tiìsí sho. Wù‑uù kèʼ, a suŋnín e wun e ghan se Ussiya‑aà sáʼ ji fon woó Juda, e kù a suŋnín e Jotam ghan, a suŋnín e Ahas ghan, e kù a suŋnín sa e ghan se Hesekiya‑aà sáʼ Juda. Ghán sin si‑iì dzə̀, a Jeroboam woo wan Jehoash sáʼ mbìv wòŋ yee kuy ye dzəə̀n ji Isray.

Aysaya 37:2

Wù dù, e tùm Eliakim woo taà ntoʼ wùn à Shebna woo ŋgaà saŋ woó ntoʼ, aàtàá cù vee ŋgày sé wìri, aá máʼ vinsàʼ ve ndzə̀y, áwune dù, e yèn *ŋgaà ntum Nyùy woo Aysaya woo wan Amot.

Aysaya 36:22

Á bèy, Eliakim woo wan Hilkia wo yì‑iì dzəə̀n kitú ke atǎr ntoʼ, wùn à Shebna woo ŋgaà saŋ woó ntoʼ, à Joa woo wan Asav wo wù‑uù fiʼtì sáʼ fòn nèn dù, e yèn Fòn Hesekiya e tóŋé shuù, aá sátí ne ndzə̀y sév. Á dù, e fìʼtì kinyo ke mfòómé woó Assiriya kì suuyin kiy.

Aysaya 1:1

Ŋwàʼ və̀ne naarì vinyo ve Nyùy‑iì ghemen ndzə, e dìn e Aysaya woo wan Amot, kùm wír veé Juda wùn à ŋkàlaʼ yee Jerusalem. Wù‑uù yèn vinyo vìn e ghan sí jeéy jeéy mo afone‑eè sáʼ e Juda, wùmòʼ e wùmǒʼ bàm. Wù‑uù yèn vímóʼ vee vinyo e ghan se Ussiya‑aà sáʼ vifon, e yèn vímóʼ ví é ghan se Jotam‑eè sáʼá, vímóʼ ví e Ahas ghan, vímóʼ ví e Hesekiya ghan.

Ŋgaà Tàrvìnyò 12:9

Yòʼ kù‑uù jòʼsì fiír ye Ŋgaà Tàrvìnyò və̀n‑eè fiirin, wù‑uù yéʼey wíri mo á wáa kiíy jeéyjeéy fó vinyò. Wù‑uù lì ghán, e kàʼày, e kfə̀n sìysì ŋgàn sinín.

Ŋgàn 10:1

Ŋgàn se Solomon si sìne. Wàn lóo ker vifií, kitàr kí wàa yu vijuŋ, yúŋsi, wù wày kiyìy é nsòv.

Ŋgàn 24:34

bo kitan ki kù‑úù sasin, e sùm wò moo shóŋ, é kíghàʼ ghíʼ wò moo wir kimfaàsì.