Ŋgàn 24:9 - ŊWÀʼ NYÙY

⁹ Antaŋ kiyuŋé kù dzə̀ ji kinyo ke bi kí, a wìr wo wù jaʼ Nyùy yii kóʼoy wíri koʼoyín.

Ŋgàn 24:9 Referans Kwoze

Matio 15:19

Kí kù yii lo a dzə̀ fó shiliv, bo wìr wáa kwàʼtì vinyo ve bi ví, lo, wù yùyrí wír, lo, wù lì wiiy wìr, e kfə̀n a jàŋ kinjàŋ, a ghan viŋkar. Wù lo, wù wàa shoŋ vishóŋ, e kfə̀n a toy wír e kinyò kisáŋ, a suʼ kinsuʼ.

2 Korin 10:5

Vèr nén a sə̀r kimboʼtì ke kisaŋ ki, e kfə̀n a sə̀r wír ve á din vifií ji á kì vinyo e ŋàŋ, nèn bvəər vifií vé wíri fo á kiíy Nyùy. A vèr kfə̀n shem vinyo ve bi ve wíri kwaʼtì vidzə̀m, binèr áwune ji wír ve á yú a dzə̀ fo Jesus Kristu.

Aysaya 55:7

Wír ve á méŋ Nyùyi ku màʼtì liì wov kisaŋ, é wír ve bií maʼti kwaʼtì sév sé kisaŋ si. Áwune ku kfə̀n é bàm e Nyùy Tǎr wùn, é wù fiʼ shàm áwune. Á ku kfə̀n e Nyùy wòsə́n wùn, bìʼ fo wù yíi làysìn ajay vév, e làa yòʼ kìm wùmòʼ.

Lim Aŋgàa Ntum 8:22

Ku bìnèr shilív shé shi fó kwàʼtì ye bi ye à kér rə̀n, a lon fo Nyùy Tàr ji wù laysin kinyo ke bi ke à kì taʼ, e yiì kìn.

Matio 9:4

Jesus kiíy kinyo ke áwune kwaʼtì, e dzə̀r jii, «Vèn kér kwaʼtì ye bií e věn meliv bìʼ ka?

Ŋgàn 29:8

Aŋgàa jàʼa lo, á wàa màʼ melaà e mvə̀mlaʼ, aàfií kù rəər kév dòʼshwiíy rə́ərin.

Ŋgàn 24:8

Wìr wo wù táŋ kinyo ke bi kí dzə̀ wo á yíi a yòŋ ji ŋgaà menàŋ.

Matio 5:28

Yii bèy, a m duŋrì kém e vèn jii, a wìr lèéy wiiy wìr, e siìmé, bo ŋgaàŋ kù lì ne a wiíy woo shooy bèy fo wùn kwàʼtì.

Jeremia 4:14

Éè Jerusalem, vèn su vinyo ve bi ví fo věn meliv, e fíʼ lùŋ. Vèn wíy keerí kwaʼtì ye bií ben, e wìy dù, e meé e le?

Kèʼlo 6:5

Nyùy Tàr lòo leéy, e yèn, a liì kisaŋ wìr msòŋ gháʼ ne e kitu ke nsay, a wù kù sí kér a dzə̀ kwaʼtì kisaŋe e wun shiliv ghán sidzə̀m,

Ŋgàn 23:7

Wù lo, wù yòŋ e wò ji á yi, a no, a wù dzə́ kfə́, biʼ a dzə̀ káv, yén ji à wày á ne wun e kilày.

Ŋgàn 22:10

Aà jùm ŋgaà jàʼ, bo à jùm ne kitáŋnìn, kinyam wùn à liy si nèn sèéy.

Nsùyrì Nyùy 119:113

M ban abìnbìnteʼnsə́m, yii bèy, a m koŋ a dzə̀ Nsər yè.

Kèʼlo 8:21

Kirəm ke cù ki rə́ʼtín, e ghèén Nyùy Tàr, wù suúy fo wun bvə̀m jii, «Bó m yòʼ dzəə́ wìy màʼ ŋgeʼ e kitu ke nsay bìʼ wir msòŋ. Kwaʼtì wìr msòŋ e dzə̀me kù sì yé kisaŋe, e kèʼ fo meterí. Bó m yòʼ dzəə́ wìy laàr kifá ke ŋeʼèn kí fó kitu ke nsay mo mò‑oò laàrìn.»

Ŋgàn 9:7

A wìr tír wír wo wù shéʼ Nyùy, bo wù kù ló kuù ŋgaàŋ, wìr wáa dìn jay wìr wo wù méŋ Nyùy, bo ŋwèrín kù lo lemér wun.

Ŋgàn 21:24

Ŋgaà kiŋkoʼòrwùn, à ŋgaà kiràʼsìwùn, yírí kù dzə̀ ŋgaà jàʼ, njiìn və e dzə̀m kù dzə̀ wùn à kiŋkoʼòrwùn kí.