Ŋgàn 24:7 - ŊWÀʼ NYÙY

⁷ Vifií ví tàv é ŋàŋ fo kiyúŋ kí kiíy, a bó yòʼ dzə̀ kiyúŋ kí mvə̀ʼ shuu fo á yii tínen nsaʼ.

Ŋgàn 24:7 Referans Kwoze

Ŋgàn 14:6

Ŋgaà jàʼ jum vifií, làa yòʼ a ker. Wìr lóo səʼə́m, wù wàa ker kiíy cér.

Nsùyrì Nyùy 10:5

Áwune lo, á kù a ker kifá ke á koŋè ghán sidzə̀m. Éè Nyùy Tàr, áwune yòʼ gháy vinyo ve à tínenè, ví dzə̀ kwaʼda fo áwune. Wìr lóo kìnèn kinyo kév, á wàa sheʼ ŋgaàŋ shéʼén.

1 Korin 2:14

A bó yòʼ dzə̀ wír wo wù buŋen Kiyoy kee shoon fo wùn shiliv, wù wáa kòŋ fó koóy ambùʼmé ve Kiyoy ke Nyùy ki din vìn. Wù lo kfə́, wù nèn a yen ji vinjeenjèm ve vinyò. A bó yòʼ dzə̀ wù kìíy mo á dzəə̀n, bìʼ fo kù yii Kiyoy ke Nyùy, bo wìr wáa kiíy.

Amos 5:15

Vèn wáa bàn kinyo ke bi kí, a kòŋ a dzə̀ kee tìítiy. Vèn nəə e làv nsaʼ, vèn kù wày ji á wáa tinén kinyo ke wìr e nsànloŋ. Á bèy, tàm é ghan símóʼ sí, é Nyùy Tàr woo Taà Mànjòŋ wìy shàm mendzən me kibér ke rám Joosev.

Amos 5:12

M kì mo vinyo ve vèn buʼtì vi kùʼùn, e mèé, a m kì vinyo ve bi ve vèn yiìn vidzə̀m. Vèn nyavrì aàlànjòó, sə́ kòyàr, jívir fo á wáa tinén kinyo ke aghéʼncey é nsànloŋ.

Amos 5:10

Wír veé Isray, vèn ban wír ve á tínen kinyo e nsànloŋ, nyaysì wír ve á suuy suuyrú.

Aysaya 29:21

Wír ve bi víne nəə e làv nsaʼ, á wàa suúy vinyo ji á bívír ámóʼó shó, du e mvə̀mlaʼ, á wàa way vitám ve wìr ve á mum ji á wáa tinén kinyo e nsànloŋ. Á lóo tàʼ ji á tínén kinyo ke alànjò é nsànloŋ, áwune wàa tinér.

Ŋgàn 22:22

Lá à yòʼ shwìv ŋgaà kitàn ji bìʼ fo wù tanè, kìn ji à nyavrì e ghéʼncey é lav nsaʼ.

Ŋgàn 17:24

Wìr kiiy jeéyjeéy fó vinyò, wù wàa tiír vifií və́ a dzə̀ é kiíy, kiyúŋ kí wàa yaŋrí kfə́ kifá kidzə̀m yáŋrín.

Ŋgàn 15:24

Dzəə̀ wìr woo fií kù yii danèr wun a dzə̀ é dzə̀ʼə̀m ye dáa, kiŋsìn wun fo wù du áàŋkfəə́ wòŋ.

Ŋwàʼ Jov 31:21

wáa dzə rú ji mò‑oò nàn kiwó kém, e kìʼ wan tsə̀ shó, kiiy ji vé wòŋe yíi a tom mo, é lav nsaʼ,

Ŋwàʼ Jov 5:4

Dzəʼə̀m won vəə́ lév a dzə̀ é kitu ke koŋ, áwune tiim e kibàʼ ke nsaʼ, bo á kù gbu nsaʼ, a wìr wóo bòyìr áwune yòʼ dzə̀.

Nsùyrì Nyùy 127:5

Bòŋ ké wìr wo wù kér ŋkòʼ mvə̀n, a mvən see bey si rún shó. Wù lóo dzə e kilaʼáy ké nsaʼ, bo bó yòʼ dzə̀ aŋgaà və́ vibàné ghàʼ wun.

Ŋgàn 17:7

Kiyúŋ kí yòʼ yii tíy e ntir, a bó ŋgaà saʼ yòʼ yii tíy sa e kimboʼtì.

Ŋgàn 17:16

Aá ton mbàm ji kiyúŋ kí keérí vifií, a bó kí yòʼ kér shií e yeʼéy, bo séʼ dzə̀ ka?

Aysaya 32:6

Kí dzə̀ jii, kiyúŋ kí dzə̀ wír wo wù suuy kinyo, a kí yòʼ kér vifií. Dzə̀ wír wo shilív shí kù kwaʼtì a dzə̀ kinyo kée bùʼ. Wù dzə̀ kfə́, a wù méŋ Nyùy méŋén, lo, wù bòm yéʼéy kisaŋe kùm Nyùy Tàr. A wù kfə̀n ŋwéy viyíkìr fo aŋgàa ŋgeʼe, ŋwéy mendzə́v fo wír ve kilòŋ kí yúmée.

Ŋgàn 28:5

Wír ve bií yòʼ yii kiiy kinyo kee tínén é nsànloŋ, yii bèy, a wír ve á ghvə́m Nyùy Tàrí kì kee shooy feyì kidzə̀m.

Ŋgàn 31:23

Lum və lóo dzə fo atǎr saʼa tínen vinyo veé wòŋ, á wàa ghvəm wun.