Ŋgàn 24:32 - ŊWÀʼ NYÙY

³² M yén, e keèrí kwaʼtì, kí yéʼéy mo kinyo.

Ŋgàn 24:32 Referans Kwoze

1 Korin 10:11

Vinyo ve ví‑iì kooyin wír vìn vidzə̀m vi dzə̀ kisəəm ke kí din mo kí wíy koóy wír ve á yii sa vinyo vee ben. A vé‑eè sàŋ é ŋwàʼ bèn ji ví fíʼ a tir vèsən vee lán ve á sí méʼ ghán se ndzə wíy mày.

1 Korin 10:6

Kinyo ke kí‑iì kooyin áwune vee fó ŋgùʼ kin ki nén a dzə ntir fo vèsən vee lène ji lá vèsən yòʼ a yaŋrí a ji á wáa yiì vinyo ve dzəə̀n ve bi ví moo vee shooy vee wír.

Ŋwàʼ Luk 2:51

Wù nèn lò, wùn áwune kfə́n é Naasarer, wù wáa dzə, a yu áwune kijuujùŋ. Mo vinyo vee shooy vi kooyin bey, yè wov nèn lèm e shiliv, a lò, a kuumé.

Ŋwàʼ Luk 2:19

Yii bèy, Maria yú kfə́, e lèm e shiliv, a kuumé ghán sidzə̀m.

Nsùyrì Nyùy 4:4

Kilòŋ kí shwiiy wír, wù wàa yen fo kinyo ke bi kí nəə́ shó. Vèn wáa yòŋ jí sìn, a kwàʼtì sho, a səʼə́m e ghan se á néŋ e kikun.

Ŋwàʼ Jov 7:17

«Éè Nyùy, wìr msòŋ á ka, é bo à wáa koʼór wun, a tiír vifií vé e wùn wó?

Remrí 32:29

A vé‑eè kér vifií, bo vé‑eè lo kìíy kinyo kìn, bo á kù‑uù kìíy mo kí wíy a kìʼ aáwuné kitu fo bàm.

Remrí 21:21

É vilum adzə̀m veé ŋkàlaʼ foo fèyi nèn tsə̀mrí e tíy sí, e yùyrí. Á ku yiì bèy, e fíʼ tuŋ liì kisaŋ, e fəə́r fo věn mvəm. Wìr dzə̀m woó Isray yú kinyo ke kí kooyin, aá wáa fàn.

Remrí 13:11

Kí kooy bèy, é wìr dzə̀m woó Isray yú leŋ, a fàn, é la wìr yòʼ dzəə wìy mùm, e yiì kfə́ə kinyò ke bi kí moo kee shooy e věn mvəm gheéy.

Ŋgàn 24:31

Mò‑oò yèn, a kinyáʼnyaʼ kí sə́ ne súm e dzə̀m, a kikwiíy kí ghámsín ne sa fo, a kay ye vé‑eè bomen e tíyí, e gìm shoo keésí ne.

Ŋgàn 24:33

Aà yèn ji wò‑óò neem, e yòyrì shishàr, e shòy shimbuùné, a jiíy e wóo ji à meemè,