Ŋgàn 24:25 - ŊWÀʼ NYÙY

²⁵ Yii bèy, á yíi a sheʼrí wír ve á tínen kév nsaʼ ŋgaà jay ji wù gbù nsaʼ. Áwune kù wíy a ker kisəəvì ke kuʼùn kí.

Ŋgàn 24:25 Referans Kwoze

1 Timoti 5:20

Wáa dzə wo wù jayin rú kinyo, à tìír e kintatì kí si, e sàʼ, é kibér ki fiʼ fìír.

Ŋgàn 28:23

Aà dìn jay wìr, bo wù yíi lò fo bàm, a kòŋ wò, e shaà ké ŋgaà wo wù leerì wun e shúu.

Titur 2:15

Á vinyo vìn ve à kù kér fó yeʼéy wíri shó, a tavír melív mev, a dìn fo wìr jayin. Kú a yeʼéy, a dìn ji à sə́ vitaáví a dzə̀ fo Nyùy, e làa yòʼ biimé, é wìr wáa kay wò.

Titur 1:13

Wù‑uù suuy bèy, a dzə̀ rú. Ku nèn a kàntì vintatì vi kitávín, aá fíʼ a yu a dzə̀ kinyo ke Nyùy,

Matio 14:4

Joon wáa shaʼnín jii, nsər yoʼ biìmé a ji wù wáa ker wiiy fər və.

Nehemia 13:28

Joyiada woo wan Eliashiv woo taà cù wo kuʼùn‑eè kér wán woo lumèn, a wù kér wiíy a dzə̀ wan Sanballat woo wír woó Horon, m nèn jùm Joyiada júmen.

Nehemia 13:25

M sáʼ áwune, e kuùrì, e dzə̀v ámóʼó, e dzə̀n nə́ŋ, e kàn áwune, á yí kilìʼ e Nyùy yir. M yòŋ jii, «Vèn yòʼ dzəə́ wìy a juùr wón vén e wón vitume, a vèn yòʼ dzəə́ wìy a way sa wón vév é lav ji vikǐy won vén, kìn ji vén vee vikìy.

Nehemia 13:17

M nèn a saʼ vilìmbìy veé Juda, a suúy jii, «Dzə̀ liì virìm woó le wo vèn kér və̀n, bívir kishiíy ké bam?

1 Samuel 3:13

Mò‑oò lo yòŋ e wun ji m wíy màʼ a ŋgeʼ yee là may e wun kfəə. Wón vəə́ buʼtì vinyo, a wù leey leèyín, e làa yòʼ a sə̀r.

Cù 19:17

«Lá wìr yòʼ a ker fə́r və é shiliv. Wìr ku sìysì kinyo ke wùn fər və kérí síysin fó jay kinyo bìʼ ŋgaàŋ.

2 Timoti 4:2

à kú a fìʼtì a kinyo kfə́, a fìʼtì ghán sidzə̀m, kìn wíri koŋ, e yu, kìn bó á yòʼ koŋ, e yu, a dìn ajay vév, a naàrì mo dzə̀ á yiì. Kú a yeʼéy wíri ghán sidzə̀m ji weè, a yiì, é melív mev mè wáa lùm e Nyùy kinyò.

Ŋgàn 24:26

Wìr fó binèr ye ruú, kí wàa dzə mo wìr baàmé ŋkar rə, a nyòʼtì.