Ŋgàn 24:24 - ŊWÀʼ NYÙY

²⁴ Wìr wo wù suuy e ŋgaà jay jii, «À dzə̀ là njò,» wíri yíi a shov wun, vitúm vi yíi a nyàysì wun nyáysin.

Ŋgàn 24:24 Referans Kwoze

Ŋgàn 17:15

Nyùy Tàr ban ŋgaà nsaʼ wo wù tínen nsaʼ ŋgaà njò, fəər wun fo ŋgeʼ, a wù ban sa wo wù tínen nsaʼ lànjò, wáy wun e ŋgeʼ.

Aysaya 5:23

Lòné dzə̀ wó wìr ve á sə́ kòyàr, á bìn nsaʼ, e fò e ŋgaà jay, e nèn tòy wír wo wù yoʼ jày é kinyò, a lovtí sho.

Ŋgàn 11:26

A jìŋ ghàʼ, wìr wáa ker vifá ve yi, e fìn e kitàv, wíri shòv wun. Wo wù fəərin və́ fəərín é way, wíri wàa burí wun burín.

Ŋgàn 28:27

Wìr wo wù kér wó rə́ tèéter fo vé kitàne yòʼ wíy a buŋ kifá, yii bèy, aá kù wíy a shov wír wo wù kam fo vé kitàne shóvín.

Esiker 13:22

«Mo vèn tínsin melív me wìr vee jwáʼ e kimboʼtì ki, a dzə̀ wír ve bó m yòʼ koŋ e way nyár aáwuné meliv, bvə́vir sí wìr kisaŋe, lóʼti melív mev fo áwune maʼti yii kisaŋe, e bòy fo akwiiròn,

Aysaya 66:24

Wír ve á wìyìn, e sùyrì moó wíy lòo fəə ŋkàlaʼ, aá yén dzə́n sé wìr ve vé‑eè rə́si tsə́y kóy vèr áwune, a sí néŋnin, shwí, a və́y wo wú ton áwuneé yòʼ wíy ndzəmén, a bó dzə́r se sí kfə́r áwune sí yòʼ wíy kpukír. Wìr dzə̀m wo wù wíy yen, wíy a nyaŋsí.»

Aysaya 5:20

Lòné dzə̀ wó wìr ve á bínsi kinyo ke bi kí bínsín ji ke juŋ ki, nyaysì ke juŋ ki nyáysin ji ke bi kí. Áwune yoŋ ndzə ye ranén ji vitsə́ʼ, yoŋ vitsə́ʼ ji ndzə ye ranén. Wìr yén kifá ke shiʼirín kí, wù yòŋ ji ke nyomèn kí, yén ke nyomèn kí, wù yòŋ ji ke shiʼirín kí.

Ŋgàn 30:10

Lá wìr yòʼ a toy kinyo e kwàné bàm, a bi tàr wov lìm sho. Lá wù yòʼ mùm, fo kwàné tín kàʼ və, é wù gheén.