Ŋgàn 24:2 - ŊWÀʼ NYÙY

² Áwune kù kér a dzə̀ melaà aáwuné kwàʼtì, a kinyo ke kí fəə́ fo áwuné shuù ki kù dzə̀ ji á gheʼ wír.

Ŋgàn 24:2 Referans Kwoze

Nsùyrì Nyùy 10:7

Kinyo ke kí fəə́ fo áwuné shuù ki kù dzə̀ ji lòné shóv wír. Á bóʼti kimboʼtì, nyavrì e wíri. Kisúŋnìn kév kí kù dzə̀ ji á gheʼ wír, e ròʼ.

Nsùyrì Nyùy 7:14

Rúrú, wìr wo wù méŋ Nyùy kwaʼtì a dzə̀ kinyo ke bi kí, rùn kighèʼ e wun bvə̀m, a kù fəə́ kimboʼtì fo wun shuù.

Nsùyrì Nyùy 28:3

Lá à yòʼ tàtí mo, e sə̀ŋ ji m kpú vèr à wír ve á méŋ wòo. Áwune dzə̀ aŋgàa yiì ye bií. Á kér kiláyláy ke juŋ ki, bin, kér kwaʼtì ye bií é meliv.

Aysaya 59:4

Wìr fo vèn wo wù taʼ kinyo kee tínén é nsànloŋ yòʼ kfə̀n dzə̀. Wìr yòʼ kfə̀n sáʼ nsaʼ, suuy suuyrú, kù ghaa a dzə̀ vinyo ve kisaŋ vi, e bó a suúy, bóʼti a dzə̀ kimboʼtì e ŋàŋ. Wìr dzə̀m kù sí kér a dzə̀ bvə́m ŋgeʼe, a yí kù sí bvə́ysin a dzə̀ é kinyò ke bi kí,

Ŋwàʼ Jov 15:35

Wír vìne juur kighèʼ e bvə̀m, á dzə̀ə́ a dzə̀ ŋgeʼ, a kinshwìv ki kù sì wóov woo wán wo á juur aáwuné bvə̀m.»

Lim Aŋgàa Ntum 13:10

e sùúy sho jii, «À dzə̀ wan Satan. À ban vinyo ve juŋ vi vidzə̀m, bóʼti wíri, yii vinyo ve bi ví. Bó yòʼ dzə̀ à yàr fó a bìnèr kinyo ke Nyùy ke ru kí ji kimboʼtì à?

1 Samuel 23:9

Davir yú ji Saul bàʼtí a ne ji wun nəə́ wun e rə́r sí, wù suúy e Abiyatar woo taà cù ji wù wiy á e shiŋkèéy shé kikum shí.

Mayka 7:3

Áwune kù sí buʼtì a dzə̀ vinyo ve bi ví, aá kì móo bùʼtì feyì. Vé wòŋe kù sə́ a dzə̀ kòyàr. Atǎr saʼa kù diy a dzə̀ shúuyi. Wír ve kuʼkìné kù sí yii mo á taʼà, a wùn à vé saʼa nèn suúsinè, bá menàŋ.

Ŋgàn 6:14

Wù yii bèy, kwaʼtì a dzə̀ kinyo ke bi kí, báʼti ji wun yii kinyo ke kisaŋ ki, lo, wù nèn màʼ mbvəərì e wírí nsàn.

Nsùyrì Nyùy 140:2

Ntaŋ wov kù dzə̀ ji á gheʼ wír, e bayír wíri, aá wáa fùnèn.

Nsùyrì Nyùy 36:4

Wù lóo neŋ e kikun, wù wàa baʼtí a dzə̀ kighèʼ. Wù kù sí taʼ a dzə̀ dzə́ə sé kisaŋ si. Jòkìnyàʼ, bó wù yòʼ bin ndzə̀m é yiì ye bií.

Ŋgàn 24:8

Wìr wo wù táŋ kinyo ke bi kí dzə̀ wo á yíi a yòŋ ji ŋgaà menàŋ.

Nsùyrì Nyùy 38:12

Wír ve á taʼ, e laàr dzəʼə̀m yémé kóʼor vitám ji m li shó, a wír ve á taʼ ji m lémé bá ntaŋ ji á laar mo. Á kù kwaʼtì ghán sidzə̀m a dzə̀ móo yuyrí mo.

Ŋgàn 6:18

kwaʼtì yee ji wìr yii kinyo ke bi kí, yáŋrí yee ji wìr ku dù, e bùʼ kinyo,

Aysaya 30:12

Bìʼ bey, Nyùy Tàr woo Ŋgaà wo Ranén woó Isray nén a suúy jii: «Vèn tèn ne kinyo ke m suuyì, e wày vifií a dzə̀ é nə̀ʼsì wùn ǎ dzəə sé kisaŋ símóʼ sí, e kù a yeʼtí a dzə̀ é vinyò fèn.

Jeremia 22:17

Yii bèy, à tìír ké sí wùn à shilív shí, a kù dzə̀ é kinyò ke kù‑úù luŋ wò fo fo. À yúyri alànjò, nyavrì, kfə̀n nəʼsì wíri.

Ŋgàn 1:10

Wan wòm, a wír ve á yii vinyo ve bi vií lò, a bayír wò, lá à yòʼ suùsín vèn áwune.