Ŋgàn 24:17 - ŊWÀʼ NYÙY

¹⁷ Ŋgaà wò vibàn gbu, lá à yòʼ a sheʼrí. Wù bayrìnè, lá à yòʼ a yu vijuŋ.

Ŋgàn 24:17 Referans Kwoze

Obadia 1:12

À yòʼ‑oò yíi a seŋ e fər wò kishiíy, kishiíy ke vishí və́ ví‑iì birin. À yòʼ‑oò yíi a sheʼ Juda e kishiíy ke vé‑eè siir fó e vifə̀m. À yòʼ‑oò yíi a sheʼrí sheʼrín e wun kishiíy ké mendzə̀n.

Ŋwàʼ Jov 31:29

«Vé‑eè ghàn ne sèn ŋgaà wom vibàn, m wáa seŋ a? Ŋgeʼ si‑iì ghàn ne nəə́ wun, m wáa sheʼrí a?

Ŋgàn 17:5

Wìr wo wù té lám e ŋgaà kitàn, kuu a dzə̀ Nyùy woo ŋgaà mbom və, a wo wù shéʼ ŋgeʼ se wùmòʼ yòʼ wíy bòy fo ŋgeʼlàʼ.

Nsùyrì Nyùy 42:10

Aŋgàa vibàn vémé shur mo, e liy si, a m koó mo á sòv kiváv ké wìr e njoŋ kifa. Á jaʼ mo jáʼan jii, «Nyùy wò tèn fóo sə wò bìʼ ka?»

Nsùyrì Nyùy 35:19

Ku màʼ wír ve á ban mo kisáŋe, é la áwune yòʼ a yòv nsiì e mǒ kitu. Sə̀r wír ve á ban mo là jayi. Lá à yòʼ biìmé, aá wáa sheʼ ŋgeʼ sém.

Nsùyrì Nyùy 35:15

M gbú, áwune kaárí, a jàʼ. Á kaárí, a taamé mo taamén. Á téʼ mo, e ŋàʼáy e mǒ wùn, a sàtì mo sátin, là yar.

Atǎr Nsaʼ 16:25

Áwune nèn a yiì ŋkàʼ, e lòo yi, wúné wáa tekír áwune, á nèn sùúy ji á du, e fə̀ə́r a Samson fo sháŋ, e wìy sho, é wù wáa sheʼér a áwune. Á ku nèn dù, e fə̀ə́r wun fo laʼ sháŋ, wù wìy, a sheʼér áwune, aá tiír wun e ntìntìn vitom vibaà.

2 Samuel 3:32

Á nèn dù, e dzəə̀mè Abner e Hebron, Fòn Davir wáa toŋ e kitu ke sày kitávín, wíri wáa toŋ sa.

Ŋgàn 24:18

Lá à mùm fo Nyùy Tàr kiíy, a yu nyár, e tsə̀ʼ dòʼshwíiy və fo ŋgaàŋ wùn.

Mayka 7:8

Éè aŋgaà vér vibàn, lá vèn yòʼ tàv, a yòv nsiì e věr kitu. A vèr fə̀m gbù, bo vèr kù lo, e ŋaʼáy. A vèr fə̀m dzə̀ʼə̀m fo mesənér, bo Nyùy kù yíi a kàʼày ver.