Ŋgàn 24:16 - ŊWÀʼ NYÙY

¹⁶ A wìr wo wù yú Nyùy fə̀m gbù, e dù meé e le, bo wù kù yíi nànèn, a wír ve á méŋ Nyùyi dzə̀ kév, a ŋgeʼ yíi màʼ áwune máʼan.

Ŋgàn 24:16 Referans Kwoze

Nsùyrì Nyùy 34:19

Ŋgeʼ si kooy wír wo wù yúnin Nyùy sinín, a Nyùy Tàr fəər wun fo fo sidzə̀m.

Nsùyrì Nyùy 37:24

Ŋgaàŋ fə́m bayrìnè, é la wù yòʼ gbù. Nyùy Tàr ghàr ne wun e kiwó kfə́ kí.

Ŋwàʼ Jov 5:19

Nyùy yíi a kìŋsìn wò fo ŋgeʼ akàŋ akàŋ, a sí fə̀m gìm wò e le, bo bó kifá ki yòʼ yíi sə̀ʼ wò.

1 Tesalonika 5:3

A kí wíy a dzə jii, wíri wíy lòo suúy ji á bòy ne, a vinyo vi sì nyaáŋ, é ŋgeʼ nèn sàsìn, e gbù mo wiíy yù wán. Yì gbu bèy, é yì nèn sə̀tí áwune, é la á yòʼ dzəə bòy.

Ŋgàn 14:32

Vinyo ve bi ve wìr wo wù méŋ Nyùy yii vi yíi màʼ wun, a liì wo juŋ wo wìr wo wù yú Nyùy yii, kù kiŋsìn kitú kfə́ kíŋsin.

Ŋgàn 13:17

Jívlày lo ntum, wù tò a dzə̀ é kinyò, ŋgaà ntum woo jwáʼ du, wù màʼ kfə́ a dzə̀ kimán.

Amos 5:2

Isray gbù ne. Óò mboò, jìn Nyùy Tàr gbù ne. Á tòn ne wun, a bó wù yòʼ dzəə́ wìy ŋaʼáy. Wù sí bér berín e wun nsay, a bó ŋgaà sə yòʼ dzə̀. Wù sèsín ne e kibvə̀r, a bó ŋgaà nàn yòʼ dzə̀.

Nsùyrì Nyùy 52:5

Yii bèy, Nyùy yíi sènèr wò ŋkuuŋkùŋ. Wù yíi sèn wò, e sə̀ŋ, e fəə́r fo wò kibàn, e laàr wò fo kitu ke nsay láarin.

1 Samuel 26:10

Rúrú, mo Nyùy Tàr dzəə̀n shó, bo Nyùy Tàr kitú kfə́ kù wíy yuyrí Saul, kìn wù wíy kpu a dzə̀ é shùu rər, kìn e wun ghan sé kpu.

Nsùyrì Nyùy 7:16

Kighèʼ kfə́ kí lo, kí kù bìnkìr a dzə̀ e wun kitu, kinyo kfə́ kee ji wìr kpú kí nèn kfə̀n gbù a dzə̀ e wun kitu.

Esta 7:10

Á bèy, á nèn kù lì Haman e nsənnsən, e sə̀ŋ é kici ke wù‑uù taan ji á yúyrí á Mordekay sho kìy. Dòʼshwiiy fòn nèn kù rə̀sìn.

Lim Aŋgàa Ntum 12:23

Nshìylav Nyùy Tàr ku nèn màʼ yàsí e fòn wùn, bìʼ fo wù yòʼ‑oò lo siìr búrí yee shooy a dzə̀ e Nyùy. Menshun mè kèʼ, a kfər vitó fo fo, wù kpú.

Amos 8:14

Ké wìr ve á kan yír Ashima woo nyùy woó Samaria, yéʼti a dzə̀ e nyùy woó Dan wùn, kfə̀n yéʼti e bùnrì ye á du, bunrì e Beersheba, áwune wíy gbù adzə̀m, e làa yòʼ dzə́ə ŋaʼáy.

1 Samuel 31:4

Saul suúy e ŋgaà ŋkeè və jii, «Shóʼ nyùy yè, e yùyrí mo shó, fo viŋgà ve wìr veé Filistia vee améŋnyùy vìne wiy, e yùyrí mo, a binsí mbeeteé.» Ŋgaà ŋkeè və fàn feyì, e tèn fóo yuyrí wun. Saul nèn lì nyùy rə̀r rə, e gbù e kitu wo.

Nsùyrì Nyùy 34:21

Lòné kù yíi koo wír ve á méŋ Nyùy, a ve á ban wír ve á yúnin Nyùyi wíy gbù nsaʼ.

Nsùyrì Nyùy 79:12

Éè Nyùy Tàr, ku siìr ŋkfə́tír e vitúm vìn vi kàŋ là táŋ, ŋkfə́tír woo bìʼ liy se áwune kuùn ne wò sho.

Ŋgàn 6:15

Bìʼ bey, bó shintàm shi yòʼ‑óò dar, a bó kinyo ki súm wun, a bó dzəə̀ ye wù kúy yòʼ kfə̀n wíy a dzə.

Ŋgàn 24:22

Dòʼshwíiy wov kù sí lo, e ŋaʼáy lèn lèn, a kì la ŋgeʼ se dzə̀ áwune wìy shó?

Jeremia 8:4

Nyùy Tàr nèn yòŋ mo, e sùúy ji m yoŋ á e wíri jii: «Wìr yii gbu, wù gòʼ, a neŋ fo nsay à? Wìr yii jáy dzə́ə, la wù yòʼ siìr ŋkfənèr à?

Jeremia 18:17

Mo shwér woó mbìv ntoshùyi yii wiy, táʼar vifá, dzə̀ mo wùn aàŋgaà vév vibàné yíi tam, é m táʼár áwune. M yíi bìn ndzə̀m aáwune, e làa yòʼ a leéy áwune é ghan sé ŋgeʼ.»

Kèʼlo 19:35

Á bèy, áwune nèn yiì, tàr wov kfən nò meluʼ vitsə́ʼ vee shooy, wo bàm nèn lò, e dù, e shìíy wùn kitàr kí, la tàr wov yòʼ fə̀m kìíy ghán se wù‑uù neèmèn, kìn se wù‑uù loòn.

Kintaŋ 32:23

Yii bèy, a kí shaà fo bèy, bo vèn jày ne kinyo e Nyùy Tàr, é vèn nèn a kiíy ji jay woo shooy yíi ròn wúu yén, e dìn.

Ŋgàn 13:21

Ŋgeʼ si kù jumrì wir yiì ye bií, a ké wìr ve á yú Nyùy ki dzə̀ vikuʼùy ve ví nəə áwune.

Esiker 7:5

Nyùy Tàr woo Taà Ndzə yoŋ jii, «Rìʼí lo, e gbù e věn kitu. Ké ru kí, a wú kù‑úù gbu.