Ŋgàn 24:15 - ŊWÀʼ NYÙY

¹⁵ Éè wò woo wír wo bi, lá à yòʼ làáy, a teʼ wír wo wù yú Nyùy, a taŋ láʼ rə́. Lá à yòʼ mùm ji à faasi e vitaáví ví.

Ŋgàn 24:15 Referans Kwoze

Lim Aŋgàa Ntum 9:24

Saul kiíy. Wír vìyi kú a rəsí, a teʼ e shùu kày yeé Damaskus ji wù yíi lòo shaà, kìn dzə̀ e shùy, kìn dzə̀ vitsə́ʼ, aá wàá yúyrí.

Jeremia 11:19

a mò‑oò dzə́ kém nyaáŋ nyaáŋ moo wan njiì wo á liìn ji á du, e see, a bó wù yòʼ gwarìrì. M yòʼ‑oò ló a kiíy ji á kàr á ne menàŋ e mǒ bàm, e yòŋ jii, «Á laar á kicí wùn à báŋ sə́ sí. Á tsəʼ á ŋwèrín fó wòŋ wìr ve tine, é la wìr yòʼ dzəə wìy a kuumé yír rə́.»

Aysaya 32:18

Kí wíy koóy bèy, é wír vémé nèn a dzə e kirə̀ʼ ke kí dzəə̀n nyaáŋ, é láʼ sév sí wáa dzə, a bó yòʼ dzə̀ wìr wáa dzə sho, wù wàa fàn kifá, a sí sì ji virə́ʼ vé meèmè ve a wìr dzə́ fo, wù wàa rə̀sìn.

Nsùyrì Nyùy 140:5

Vé kiŋkoʼòrwùné wày ne vitám e kilìr, a teʼ mo shó. Á wày ne, à vé njoy vi, e tàm lálán, e kòʼór alíŋ é dzəə ji m li shó.

Lim Aŋgàa Ntum 25:3

wù ku yiì kinyo ke á lóné, e tsə̀nsí a Por e Jerusalem. A vé‑eè tàŋ ne ji á yíi teʼ Por e dzəə, e yuyrí.

Lim Aŋgàa Ntum 23:16

Á táŋ bey, wàn jèmèr Por woo lumèn yú ntaŋ və̀y, e nèn dù, e yèn Por e vé rərí laʼ, e fèr sho.

Matio 26:4

a sìysì mo dzə̀ á yiì, e bóo nyaʼtí, e koo Jesus, e yuy.

Ŋgàn 22:28

Lá à yòʼ kùvsín bìíy ŋgvən, kù dzə̀ bìíy mo atàr vée‑eè sanen fó yàŋgùʼ.

Ŋgàn 1:11

Aáwune lò, a kwàr wò ji à wiy, é vèn áwune téʼ wír, e yùyrí, vèn áwune ku tèʼ á wír wo bó wù yòʼ kiìn fo kí binè, e yuyrí kisáŋ, à wàa yen fó mùm.

Nsùyrì Nyùy 59:3

Yén ri mo á lìrìn ne, a teʼ ji á yúyrí mo, a dzə̀ vintav ve wíri mo ví kaayin mo. Éè Nyùy Tàr, áwune wooy ji á yúyrí mo, mo ben là njò, a bó m yoʼ yiì kinyo ke bi kí.

Nsùyrì Nyùy 56:6

Aŋgaà vém vibàné bàʼtí, a woóy mo. Á shwéʼ ghán yém, taáme ji á yúyrí mo. Á téʼ mo ji á yúyrí.

Nsùyrì Nyùy 37:32

Wír ve á méŋ Nyùyi nyáʼti, shwéʼ ve á yúnin Nyùy. Á kù taʼ dzə́ə yée yuyrí wír Nyùy sho yuyrín.

1 Samuel 9:11

Mo áwune kóʼ e mvə̀mlaʼ, e nèn tàrnín wùn à wónlě ŋgòn ámóʼó ve vé‑eè wiy ji á tú mendzə́v, e dzə̀r aáwune jii, «Ŋgaà si dzə̀ fó a?»