Ŋgàn 24:14 - ŊWÀʼ NYÙY

¹⁴ Kù dzə̀ réŋréŋ mo kiíyi dzəə̀n e wò dzə̀ʼə̀m, aà keèrí, bo kibvəə́shí ké ki sí yiì a tiy fo, a bó yòʼ dzə̀ wìr bvə̀ə́r vifií vé fo kinyò ke à tiirin shó.

Ŋgàn 24:14 Referans Kwoze

Ŋgàn 23:18

Rúrú, kibvəə́shí ké ki tíy fo, a bó yòʼ dzə̀ kifá ki sə̀ʼ kinyo ke à tiirin vifií shó.

Ŋgàn 2:10

À yíi a ker vifií ve ru ví, é vinyo ve à kiiyin ví yii, áà wáa yu vijuŋ.

Jeem 1:25

Yii bèy, a wìr tùy kfə́ sí a dzə̀ é nsər Kristu ye yì tatin nsər se Nyùy sidzə̀m, a yiì, bo wìr wáa bòy, bo Nyùy wíy sə ŋgaàŋ, é vinyo ve wù yii vidzə̀m vi wáa dù réŋ, a wù fèn sáyri ghán sidzə̀m, yii mo yì dzəə̀n, e làa yòʼ a yuurí yuurín cáʼcáʼ, a làysìn.

Jeremia 15:16

Kinyo ké ki‑iì wìy, e yèn mo, m lí moo viyíkìr. M kér kishéʼrì mo shilív shém shí‑iì tíy sho. Éè Nyùy Tàr, Nyùy woo Taà Mànjòŋ, m kù dzə̀ wo woo wír.

Nsùyrì Nyùy 119:103

Jí sé si nyòm, e ghèén mo é le ben? Sí nyom e mǒ shuù, shaa vilu.

Ŋgàn 22:18

À yíi a yu vijuŋ ji à kìíy ne jí sìn, aà fey kìíy mó a yòŋ fo kitu.

Nsùyrì Nyùy 119:111

M lì ne vinyo ve à dìnèn ji vitsə́ʼ vém vee là may. Eè, dzə̀ víwun ve ví fó mo kishéʼrì e mǒ shiliv.

Matio 19:21

Jesus suúy shó jii, «Aà taʼ rú ji à gheén fo Nyùy, à dù, e fiìnè kéŋ yé e dzə̀m, e jàv mbàm e vé ŋgeʼe, e wìy, é wòsò wáa ghan. À yii bèy, áà nèn wìy a ker bùʼ a dzə̀ é yuv.»

Ŋgàn 16:24

Jí se juŋ si dzə̀ moo ghám vilù, sí nyom e shuù, baʼrì jav wùn.