Ŋgàn 24:12 - ŊWÀʼ NYÙY

¹² Aà lò, a sù njò yè jii, «Rúrú, vèr yòʼ kì fó kinyò fèn,» bo bó Nyùy wo wù tar shilív shé wìr dzə̀m yòʼ kù yéné à? Bó ŋgaàŋ wo wù kíy dzəʼə̀m yé yòʼ kù kì kidzə̀m à? Wù yòʼ kù wíy a làʼ wír a dzə̀ mo lim rəə́ dzəə̀n a?

Ŋgàn 24:12 Referans Kwoze

Ŋwàʼ Jov 34:11

Wù kù yii laʼ wír, a dzə̀ mo lim rəə́ dzəə̀n, yii, a wìr kooy kifá, a dzə̀ mo liì və dzəə̀n.

Ŋgaà Yen 2:23

bo m kù yíi màʼ yàsí aàŋgaà və́ ŋgoó wùn adzə̀m, aá kpúkír. M yii bèy, é vintatì vidzə̀m vi nèn yèn rú ji dzə̀ á mo, wo m kiìn vinyo ve ví dzəə̀n e wìr bvə̀m, e kfə̀n kìíy ve shilív shé ŋgaàŋ shi tíy sho. A m wíy a yiì kinyo e wìr, a dzə̀ mo ŋgaàŋ‑eè yii.

Ŋwàʼ woó Rom 2:6

A dzə̀ jii, wíy lòo dzə e kishiíy foo fèy, é Nyùy wáa fo ké wìr réŋréŋ mo wù yiìn.

Ŋgàn 21:2

Wìr lo, wù wàa yen ji wun tíy kfə́ tìítiy, yii bèy, a kù tar Nyùy Tàr shilív shé wìr.

Jeremia 17:10

Mo woo Nyùy Tàr, m kaʼày melív me wíri, tar kwaʼtì sév, laáme wír, kù mo yii rəə́ taʼà, laáme réŋréŋ mo liì və dzəə̀n.»

Ŋgaà Tàrvìnyò 5:8

Aà yèn, a vé saʼa nyavrì aàghéʼnceyí, tén fó a tinén kinyo kév é nsànloŋ, kù shwiv áwune shwívin, lá kí yòʼ a ma shuu wó, bìʼ fo wìr wo kuʼùn lóo dzə, wùmòʼ kù a dzə wo wù kùʼùn, e shaà wun, wo wù kiʼ kifá fo wun. Aámóʼó kfə̀n dzə̀ə́ ve á kùʼkìn áàntaʼ, aá kiʼ sa vee shooy.

Nsùyrì Nyùy 121:8

Nyùy Tàr yíi a leéy fo wò, mo à yíi a fəə, a ghan, a kfən e bàm, e kèʼ fo lèn, e dù, e jòʼsì.

Nsùyrì Nyùy 121:3

Bó yòʼ dzə̀ wù màʼtì, à tò é kinyò ke bi kí. Bó yòʼ dzə̀ wun wo wù kiŋsìn wò, wù wàa buuné buunén.

1 Samuel 16:7

Nyùy Tàr suúy e Samuel jii, «Lá à yòʼ a leéy wun a dzə̀ fó si, kìn fó vidà, m kìnèn woo shoon. M yòʼ yii leey wír a dzə̀ mo wíri leeyì. Wìr lo, wù wàa leéy wír a dzə̀ fó si, a m leey kém a dzə̀ fó shiliv.»

Nsùyrì Nyùy 62:12

a kù kér a wun koŋ fo wír vəə́, e shaàsìn. Rúrú, Nyùy Tàr, à yii kaʼày wír e dzə̀m, laáme ŋgaàŋ a dzə̀ mo wù lìmèn.

Nsùyrì Nyùy 17:3

À kì mo shilív shém shí dzəə̀n, aà wìy ne, e ghàn mo vitsə́ʼə́, e tàr mo kijuujùŋ, e yèn, a bó m yòʼ tíy e kinyò ke bi kí.

Ŋgaà Yen 22:12

A ke Jesus suuy ki dzə̀ á jii, «Vèn yuúrí, m kù sí lo, e bvəy lèn lèn. M wiy vèr à vilaámé vém ví, a m yíi a laamé wír mo ŋgaàŋ‑eè yii.

Ŋgaà Yen 2:18

Wù nèn kfə̀n sùúy e mò jii, «Sáŋ ŋwàʼa lèn a dzə̀ wó ŋgaà ntum woó kintatì keé Tiyatira. A wú dzə̀ jii: «Kinyo kìn ki suuy mo woo Wan Nyùy. Dzə̀ mo wo wón sii njaʼkìr fo fo moo kiliímé ke və̀y, a wuú yémé rán, tókir moo kisha ke baar ke á naŋsin, e yètìr.

Ŋgaà Yen 1:18

a m dzə̀ shó ghán sidzə̀m. Mò‑oò lo kpù, yii bèy, m sì lèn e tin, a m gòʼ ne kàŋ mòʼón. Kinyo kee kùm kpú ki dzə̀ a dzə̀ e mǒ kiwo, a kér mo kimbàʼ ke dzə̀ kí mvə̀ʼ shúu wòŋ aŋkfə.»

2 Korin 5:10

A vèr kì jii, vèsən adzə̀m kér fó wìy tiím e Kristu si, é wù tar vinyo vesən, é wìr wáa kav kifá a dzə̀ ke wù‑uù lim e nsay fèn, kìn dzə̀ vijuŋ, kìn dzə̀ vibí.

1 Korin 4:5

Mo kí dzəə̀n bey, bo kí yoʼ ghèén ji vèn wáa sayrí kinyo ke wìr, a tav, a toʼ mo vèn yén, a kí dzə̀. Wíy lóo dzə e ghan se Tàr wòsən Jesus Kristu wíy kfən, é bo din wun mo kí dzəə̀n. Wù wíy fəə́r vinyo ve ví dzəə̀n lèn e kilìr vidzə̀m fo meranén, e kfə̀n dìn vinyo ve wíri kwaʼtì aáwuné meliv. Wù yii bèy, é nèn a sheʼrí Nyùy wír réŋréŋ mo kinyo kfə́ kí dzəə̀n.

Ŋwàʼ woó Rom 2:16

A kù dzə̀ mo sáʼka Nyùy wo m fiʼtì və̀n din ji Nyùy wíy tinén nsaʼ wìr dzə̀m. Wíy lòo dzə e kishiíy fóo fèy, é wáa ghemrí Taàtá Jesus Kristu vinyo ve wíri lem aáwuné meliv vidzə̀m, e bó a tinén nsaʼ yev shó.

Lim Aŋgàa Ntum 17:28

A dzə̀ réŋréŋ mo wìr wùmòʼ‑oò suuyin jii: « ‹Yii Nyùy, bo vèsən wáa ŋèʼ, a ghan, a dzə mo á dzəə̀n.› Kfə́n a dzə sa mo aŋgàa kimfèr vén ámóʼó‑oò suuyin jii: ‹Vèsən adzə̀m dzə̀ sá wón Nyùy.›

Matio 16:27

«Vèn wáa kiíy jii, ŋgaà wo yírí dzəə̀n ji Wanwìr wíy lòo kfən wùn à nshèelav sə́ sí, a wù sí wiy a dzə̀ é mvə̀m vikùʼùy ve dzəə̀n vé Tàr wov Nyùy, é wù wáa laamé wir dzə̀m mo wù‑uù yiìn.

Daniel 5:23

Nyàr, Fòn kòʼór ne kitú kfə́ á feyì, a yen ji á shàa Nyùy Tàr woó yuv. Fòn yiì ne, á lí á vikáŋ ve dzəə̀n vee Nyùy Tǎr lav, e wìy, e yèn á wun sho, wùn aàtǎr laʼ vəə́, à vikǐy ntoʼ vəə́, à ve lemèné tátí, a no a meluʼ fo fo. Cèrèy, wùn áwune ló fó fo, a burí mebvə̀m, vifá, aá fér a dzə̀ e kisha ke mbàm ke baar kí, kìn e ke fəvír kí, kìn e kisha ke brons ki, kìn e kisha kee kiy ki. Vifá, aá lo, á sèm a dzə̀ e kicí kí, kìn e tíyí. Vifá vìn, a bó yòʼ dzə̀ ví wàa yen virə́ʼ, a yu vinyo, kìn ji ví kiíy kinyo. Yii bèy, a Nyùy wo wù kér kiyoy ke wìr e wun kiwo, kfə̀n leey dzəʼə̀m wìr dzə̀m, dzə̀ shó, a bó fòn yòʼ ghvə́m wun.

Jeremia 32:19

À kér vifií vé ntir ve ghaʼán ví, yii viŋgaʼnìn ve vinyò. À yii yén vinyo vidzə̀m ve wíri yii, laáme wir dzə̀m mo liì və wùn à yii rəə́ dzəə̀n.

Ŋgàn 5:21

Kiíy jii, Nyùy Tàr kù leey njiìn wìr dzə̀m, kaʼày mo ghán yéví dzəə̀n.

Nsùyrì Nyùy 66:9

Wun woo Nyùy wor lèm ne ver atin, e làa yòʼ biimé áàŋgàa vibàn vérí laar ver.

Nsùyrì Nyùy 44:21

wù wàa meŋ à? Bó wù yòʼ kì kilìtì kee wìr shiliv a?

Nsùyrì Nyùy 7:9

Ku ndzəə̀r liì kisaŋ wìr ve á méŋ wò, e tòm wír ve á yúnin wòo, aá tuúy. M mbaa wò woo Nyùy wo à yii yii kinyo ké réŋ, sayrì vifií vé wìr, à shilív shí.

1 Samuel 25:29

A wíri ŋàʼáy, e shèm e tàr wór bàm ji á yúyrí wun, bo Nyùy Tàr woo Nyùy və yíi kìŋsìn a dzəʼə̀m rə́, e rə̀ŋ aŋgàa vibàn və́ mo á rə̀ŋ tíy fó kiŋkoʼ.

1 Samuel 2:6

«Nyùy Tàr wìy e kpúu, e kfə̀n wìy e dzəʼə̀me. Wù tsə́nsi wír aàŋkfəə́ wòŋ, a kù fəər wun wír fo fo.

1 Samuel 2:3

«Ven vé kinsùmrìwùn, vèn sə́tí shuu wóné. Ven ve á kóʼor wún, vèn sə́sín. Nyùy Tàr dzə̀ Nyùy, a wù kì vinyo vidzə̀m. Wù kíyri wír e kinyò kidzə̀m ke wù yii.

Nsùyrì Nyùy 94:9

A dzə̀ Nyùy wo wù‑uù bomen vituʼùr, la wù yòʼ a yu vinyo à? A dzə̀ wun wo wù‑uù bomen sí, la wù yòʼ a yen virə́ʼ a?

Ŋgàn 12:14

Jí se ru sí kù dzə̀ wùn à vilaʼày və́ ví, réŋréŋ mo ŋgaà lìm kù yii dzə́ sa wùn à vilaʼày və́ ví.

Ŋgàn 5:22

Vinyo ve wìr wo wù méŋ Nyùy yii vi dzə̀ kitám kfə́, a wù kù yíi bìnkìr, e lì e wun vinyò ve bi ví.

Ŋgàn 16:2

A dzə̀ wìr wàa yen ji vinyo ve wun yii vi dzə̀ á tìítiy, yii bèy, a kù yén Nyùy Tàr shilív shé ŋgaàŋ.

Yòvdìy 3:36

lóo bìn nsaʼ mbvə́nkíwó, la wúné yòʼ a bòŋ Nyùy Tàr gheéy.