Ŋgàn 24:10 - ŊWÀʼ NYÙY

¹⁰ Aà bùú shilív é ghan sé ŋgeʼ, bo mbòví yòʼ dzə̀ e wò.

Ŋgàn 24:10 Referans Kwoze

Efesor 3:13

M nén a suúy e vèn ji lá vèn yòʼ a leéy ŋgeʼ se m yén e sháŋ, bìʼ fo m fiʼtì kinyo ke Jesus e vèn, a weèy fo kinyò ke wù liìn ven shó. Mo m biimen ŋgeʼ sìn a dzə̀ bìʼ ven, vèn kú a sheʼrí mo shéʼrín.

Jeremia 51:46

Lá melív men mè yòʼ seèm, é vèn wáa fàn, bìʼ vinyo ve vèn yíi a yu, a ví kooy e wòŋ. Á yíi a yu rə́mrə́m kinyò e kiya fèn, lóo dzə e kísə ki, aá yú ke sən kí. Á yíi a yu rə́mrə́m vinyò e nsay, a yu, a fòn wùmòʼ sə́ kóy wùn wùmòʼ.

1 Samuel 27:1

Davir nèn lò, a kwàʼtì fo wun shiliv jii, «Kishiíy kí kù wiyì ke Saul yíi yuyrí mo. Bòŋ ke m nyéŋ, e dù e wír veé Filistiàá wòŋ, Saul yií taʼ mo ntéŋ fo wír veé Israyí mvəm, dórí, bo m bòy ne.»

2 Korin 4:1

Mo ver vee aŋgàa ntume lim e dzəə̀ Nyùy ye fíy rə̀n, kiiy ji lì wun woo Nyùy ver, a wù shàm ver shámén, vèr ku nèn a lìm, e làa yòʼ a dor gheéy,

Ŋwàʼ Jov 4:5

Kí kòóy ne wò lèn, à wáa yaŋyáŋ. Ŋgeʼ si gbú lèn e wò kitu, à wéʼ.

Ŋgaà Yen 2:3

M kì sá mo vèn rə́si biíme ŋgeʼ si bìʼ kinyo kém, kù dzə́ ji nyaáŋ, e làa yòʼ shwèy.

Ŋgaà Yen 2:13

M kì fo vèn dzə́. Vèn dzə́ a dzə̀ fo ntoʼ Satan dzəə̀n. Yii bèy, a m kì ji vèn kù kì fon won a dzə̀ á mo və̀n, a bó vèn yòʼ‑oò yiì ne mèŋ mo gheéy. Fə̀m‑eè dzə̀ é ghan se vé‑eè yuyrin Antipar e vèn à Satan kirə̀ʼ fóo fèy, bìʼ fo wù‑uù fiʼtì kinyo kém shilív shimòʼón, vèn yòʼ‑oò lo fàn, e lèʼ mo gheéy.

Joon 4:8

A wù kì dzə́ fo bèy, a wón və́ lìme dú ne ji á yún a vifá ve yi fo mvə̀mlaʼ.

Remrí 20:8

«Á bèy, é vitú ve saʼ vi kú a shaà fo mbìy, a saarí e wírí si jii, ‹Lùmèn dzə̀ shó fèn, wo wù fanè, a dzə̀ mkpushìlìv á? A wù dzə̀, wù wàa kfən e bàm e wun laʼ. Búŋ là bey, bo melív me afə̀r mè lo, e seèm sa moo sə́.›