Ŋgàn 24:1 - ŊWÀʼ NYÙY

¹ Lá à yòʼ a yu nyár wìr ve á yii vinyo ve bi ví, kìn ji à wáa ker shií ji vèn áwune wáa dzə.

Ŋgàn 24:1 Referans Kwoze

Nsùyrì Nyùy 37:7

Dzə̀ʼə̀m ji nyaáŋ e Nyùy Tǎr si, a yuurí a dzə̀ wun. Lá à yòʼ a yu ntéŋ bìʼ wír wo vinyo və́ ví du kijuŋ, wír wo wù rə́si bá menàŋ, a vinyo və́ ví gháné.

Ŋgàn 3:31

Lá à yòʼ a siimé dzəʼə̀m wìr mensə, kìn à biʼnìn yii yév ye bií.

Ŋgàn 23:17

Lá à yòʼ a baŋrí yii wìr ve bií, a meŋ Nyùy. Kú a dìy ké ji à wáa ghvəm Nyùy Tàr ghán sidzə̀m.

Ŋgàn 13:20

Wìr shém ŋgoo afiì, wù kfə̀n ji fií, shém ye viyùŋ, wù bìvír kitú kfə́.

Nsùyrì Nyùy 73:3

bìʼ fo mò‑oò loòn ne, a siimé vé kiŋkoʼòrwùné, a m yén ne, a kéŋ wìr ve á méŋ Nyùyi kúyí.

Nsùyrì Nyùy 37:1

Lá à yòʼ a yu ntéŋ bìʼ wír ve á méŋ Nyùy. Lá à yòʼ a siimé vijuŋ ve wìr ve á buʼtì vinyo.

Ŋgàn 24:19

Lá à yòʼ a yu ntéŋ bìʼ wír ve á buʼtì vinyo. Lá à yòʼ a siimé vijuŋ ve wìr ve á méŋ Nyùy.

Nsùyrì Nyùy 26:9

Lá à yòʼ lòvtí e mò mo à yii lóvti aŋgàa vinyò ve bi ví. Lá à yòʼ yiì, é m kpú moo vé kinjuyrìwìri,

Nsùyrì Nyùy 1:1

Bòŋ ké wìr wo wù yòʼ yuúri ntir wìr ve á méŋ Nyùy, a bó wù yòʼ biʼnìn liì wìr ve bií, a bó wù yòʼ táti wír ve á shéʼ Nyùy.

Ŋgàn 4:14

Lá à yòʼ shèm ŋgoo wìr ve á méŋ Nyùy, kìn ye wìr ve á kér liì kisaŋ.

Ŋgàn 4:15

Lá à yòʼ bìʼnìn liì wov kisaŋ, ku ŋwày ŋwáyín, e bìn ndzə̀m, a dù ye yee dzə́ə.