Ŋgàn 23:9 - ŊWÀʼ NYÙY

⁹ Lá à yòʼ a suŋnín e kiyúŋ kí, wò moo fií, bìʼ fo wù kù yíi a ŋway jí sé ŋwáyín.

Ŋgàn 23:9 Referans Kwoze

Matio 7:6

«A bó kí yoʼ fə̀m ghèén ji vèn li kifá ke á cuùn Nyùy sho, e màʼ e jwí si, fo sí kfə́r, e kfə̀n bìnkìr, a nyàv ven e sóŋé. A bó yòʼ dzə̀ sá, á lì *síbaŋ, e fò e kǔnnyàm, wù wàa tay e kishàʼàr.

Ŋgàn 1:7

Wìr lóo ghvəm Nyùy Tàr, bo wù sí yiì a kiíy vinyo. Yii bèy, kiyúŋ kí ŋwáy kfə́ ntir, tén fó a jùmrì vifií.

Joon 10:20

Wír aníne wáa nyàysì jii, «Wù dzə̀ ben, a *nyùy wùmòʼ bvəər vifií və́, wìr baá baán, aá yuúri ka fó kinyò ke wù suuyì?»

Aysaya 36:21

Yii bèy, wíri ku gòʼ gòʼòn kisə́sə, la wìr yòʼ bìnèr kinyo e mfòómé woó Assiriya və̀y, bìʼ fo Fòn Hesekiya kì shìvtìn ne ji wìr wáa yen a fó yìi mvə̀ʼ shuu.

Lim Aŋgàa Ntum 17:32

Áwune yú, a Por suuy ji wìr wùmòʼ‑oò fəə̀ ne a fo kpu, á nèn a sheʼ sheʼén. Ámóʼó wáa suúy kév jii, «Vèr koŋ, e kfə̀n wìy yu kinyo ké kìn e ghan símóʼ sí.»

Lim Aŋgàa Ntum 17:18

Aŋgàa yeʼéy ámóʼó yén wun fo, a dzə̀ ve vé‑eè yéʼey kinyo ke *Epikurur wùn à ké Shitoy ki. Por wáa yeʼéy áwune kinyo kee kùm Jesus, a fèr mo wíri wíy fəə fo kpu. Wùn áwune nèn a bìʼ kinyo kee shooy, ámóʼó wáa sày jii, «Kiyúŋ kísə ki táŋri a dzə̀ ka?» Aámóʼó suuy kév jii, «Kí shwínin mo wù súŋnin kùm anyùy ve fíyi.»

Joon 8:52

Wír vìyi nèn kfə̀n sùúy jii, «Vèr kìíy ne rú lèn ji à shèm ŋgoo anyùy. Abraham woo tàr à ram yér‑iì lo kpù, *aŋgàa ntum Nyùy adzə̀me kpúkír sá. Aà suuy ké fèn ji a wìr yú kinyo ké, lemè, la wù yòʼ dzəə wìy kpù.

Ŋwàʼ Luk 16:14

Jesus wáa fèr bèy, a wír veé mbìv *Farasi ámóʼó yú. Á nèn a ndzəə wun, bìʼ fo áwune yii koŋ mbàm e ŋàŋ.

Joon 9:40

Wír veé mbìv Farasi ámóʼó wáa tiy e Jesus ghaŋ. Á yú bey, e sàyín jii, «À taʼ, a yòŋ ver ji amfìr à?»

Ŋgàn 14:7

Á baàmè viyúŋ ví, bó yòʼ dzə̀ ví yèʼéy wò kinyo.