Ŋgàn 23:7 - ŊWÀʼ NYÙY

⁷ Wù lo, wù yòŋ e wò ji á yi, a no, a wù dzə́ kfə́, biʼ a dzə̀ káv, yén ji à wày á ne wun e kilày.

Ŋgàn 23:7 Referans Kwoze

Nsùyrì Nyùy 12:2

Wìr dzə̀m kù sì ŋgaà lam baà, bóʼti a dzə̀ kimboʼtì e fər və, leerì wun e shúu.

Nsùyrì Nyùy 55:21

Kisúŋnìn kfə́ kí nyom moo vilu, yii bèy, a wù dzə̀ ŋgaà lǎm baà. Jí se sí fəə́ fo wun shuù si rəsìn moo meŋgvə́r, yii bèy, a sí njím moo shwàʼ wo á baàyìn.

Atǎr Nsaʼ 16:15

Delila suúy shó jii, «A dzə̀ à wàa yòŋ ji à koŋ mo, a bó shilív shé shi yòʼ tíy e mǒ wùn a? À bòʼtí ne mo akàŋ ataár, e tèn fóo suúy e mò fo vitaáví vé ve ghaʼán vin vi lo.»

Ŋgàn 19:22

Kinyo ke á shií fo wìr msòŋ kí dzə̀ ji wù din á koŋ ye ruú, a ŋgaà kitàn bòŋ, e shaà ŋgaà kimboʼtì.

Ŋwàʼ Luk 7:39

Wìr Farasi wo wù kì jàŋèn Jesus və̀y yén bey, e rə̀m fo wùn bvə̀m jii, a Jesus kì dzə̀ rú ŋgaà ntum Nyùy, bo wù ku lò kìíy a kfə́ə wiíy wo wù kum wun və̀n. Dzə̀ á ŋgaà viŋkar.

Daniel 11:27

Afon vee abaà víne wíy lò, e dzə̀ʼə̀m, a yikír kidàŋ kimòʼón, a kwaʼtì yéví kù sí tíy a dzə̀ é kinyò ke bi kí. Á wíy a boʼtí vitú vév bóʼtín, áàntaŋ véví kú a shaà shaàn fó ghaŋ, bìʼ fo ghán se Nyùy‑iì lèmèn ji vinyo vév ví may si yóʼ ne ghèén.

Ŋgàn 26:24

Wìr lóo ker vibàn, wù wàa teʼtín e kiláyláy ke juŋ ki, a wù kér a dzə̀ kimboʼtì e wun shiliv.

Ŋgàn 26:25

Wù lóo sùyrì wò e jí sí, lá à yòʼ biìmé, bìʼ fo yii ye bií runen e wun shiliv.

Ŋgàn 26:23

A wìr sheŋrì lám ji wun téʼtín kwaʼtì ye bií, bo dzə̀ moo kíŋ mbóm ye á yoʼon, yí wáa shwinín kisha ke fəvír kí.