Ŋgàn 23:4 - ŊWÀʼ NYÙY

⁴ Lá à yòʼ kù a tàŋèn ji à kuʼ. Ku fìír, e bàʼàr kitám kee bey,

Ŋgàn 23:4 Referans Kwoze

Hibru 13:5

Wìr dzə̀m wáa sheʼrí a dzə̀ kifá ke wù kérí, e màʼtì shií woo kùm mbàm. Nyùy‑iì sùúy jii, «M yòʼ wíy màʼtì wò, a bó m yòʼ wíy màʼày wò e ghan símóʼ sí gheéy.»

Ŋgàn 28:20

Wìr lóo suúy kinyo, lóo tiy a dzə̀ e kíwun ki, Nyùy wàa səə̀vì wun. Wìr wáa tàʼ vikuʼùy vee cércér, bo yòʼ dzə̀ wù bòy fó ŋgeʼlàʼ.

Matio 6:19

«Wìr wáa yen fó a baʼtí bùʼ, a lèm a dzə̀ é nsay fèn. Féne dzə̀ fo dzə̀ séʼ wùn à nyàŋ bìvír, kìn kív shóŋ kitáv, e shoŋ bùʼ woo shooy.

Ŋgàn 3:5

Ku wày shilív shí e Nyùy wùn shidzə̀m, e làa yòʼ a yiì a dzə̀ mo kiìn wò.

Joon 6:27

Lá vèn yòʼ a way vifií é vifa ve yi ve wìr yí, bo wù kù dzəə́ wìy kpu. Vèn wáa way vifií a dzə̀ é vifa ve yi ve ví fó dzəʼə̀m yee là may. Kù fó ŋgaà wo yírí dzəə̀n *Wanwìr vee shooy vee vifá ve yi, bìʼ fo Nyùy Tàr wayin kisəə́y ké lìm yee shooy a dzə̀ e wùn kiwo.»

Ŋwàʼ woó Rom 12:16

Vèn wáa sham wir dzə̀m réŋréŋ. Lá vèn yòʼ a koʼór wún. Vèn kú a koo viŋkar vèn à wír vee fó tèri. Lá wìr yòʼ a dìn ji kù kì wun vinyo.

Ŋgàn 15:27

Wìr jum séʼ kiŋkùvrì, wù maʼ ŋgeʼ e wun lav, a wìr wo wù wíy shiíy dzə̀ wo wù ban kòyàr.

Ŋgàn 26:12

A sì ji wìr wáa yen kitú kfə́ ji fií, a bó wù yòʼ kì kifá, bo bòŋ kiyúŋ kee kiyúŋ.

Aysaya 5:21

Lòné dzə̀ wó wìr ve á kwaʼ ji á fìír, wír, aá kù yén a dzə̀ vitú vév ji afií.

Ŋgàn 3:7

Lá à yòʼ a yen kitú ké ji à fìír. Kú a ghvəm Nyùy, a bìn ndzə̀m é yiì ye bií.

Ŋwàʼ woó Rom 11:25

Afə̀r vem, m nén a tàʼ ji vèn kiíy á kilìtì ke kinyò ke kí dzəə̀n é bǎm kinyò fèn. Vèn kiiyì, é la á yòʼ a sùmrì wún ji vèn kòóy kilíŋ bèn, a sì á vifií. A kí dzə̀ jii, kùʼùn wìr veé Israyi tàv kitú, tèn kinyo ke Kristu lèn, a bó á yòʼ waà wíy ten ŋkuuŋkùŋ. Ghán sí wíy gheén, a wír ve Nyùy‑iì shoʼon fo vèn ve bó yòʼ dzəə̀n veé Israyi biímé ne adzə̀m, aáwune vee wír veé Israyi nèn gbù sa sho.

Ŋwàʼ Jov 27:19

Wù wàa neèm, a kù sì kàŋ bàm wo wù neem ji wun ŋgaà mbàm, yì wàa jàv, a bùʼ və ŋeémé ne, e lày.

Ŋgàn 27:24

Mbàm si yòʼ wíy dù, e jòʼsì, a bó ntáráʼ yòʼ wíy shaàrì e ŋgwàʼ si sidzə̀m.

Ŋgaà Tàrvìnyò 5:13

M lèéy, e yèn kinyo ke bi kímóʼ kí ke kí kooy e sar shùy fèn, a kí dzə̀ jii, ŋgaà mbàm lo, wù wàa bonén, a lèm mbàm sə́, a sí lo, e nèn fo wun a dzə̀ nyár.

Jeremia 9:22

Ke Nyùy Tàr suuy ki dzə̀ á jii, ‹Dzə́n sé wíri sí wíy a neŋnín, a neŋnín e kwaʼ moo jáŋ. Sí wíy a neŋ moo ŋgwàsáŋ wo vé kivi kív, maʼà, a wìr yòʼ báʼti.› »