Ŋgàn 23:23 - ŊWÀʼ NYÙY

²³ Mùm kitávín, e keèrí ntir wùn à kiíyi, à suuyrú, keérí, e ghàr kitávín.

Ŋgàn 23:23 Referans Kwoze

Ŋgàn 18:15

Wìr woo fií kù yii diy a dzə̀ ji wun yéʼéy kinyo, kér shií a dzə̀ ji wun kiíy kinyo.

Matio 13:44

«Sáʼ Nyùyi dzə̀ moo fùʼ wo vé‑eè lìtìn é kwaʼ, wìr dù, e tò shó, e nàŋsín, e sə̀tí, a kfən fo laʼ, kishéʼrì ki wáa yuyrí wun yúyrín. Wù dù, e fiìnè kéŋ rə́ e dzə̀m, e bàʼtí mbàm, e yùn kirə́ʼ ké fùʼ kìy sho.

Nsùyrì Nyùy 119:72

Yéʼéy ye yí fəə́ fo wò shùu bòŋ mo féyì. Yí shaà nyanyày *kisha ke mbàm ke baar wùn à ke fəvír kí kàŋ là táŋ.

Ŋgàn 16:16

Kí bòŋ fó a ker vifií, e shaà *kisha ke mbàm ke baar kí, e bòŋ fó a kiíy jeéyjeéy fó vinyò, e shaà kisha ke mbàm ke fəvír kí.

Hibru 11:26

Wù‑uù yén kfə́ ji ŋgeʼ se dzə̀ wun wàa yen wùn à wír véví, a shìy Mfə̀ə́r wo Nyùy‑iì kàʼàn áwune shó, si bòŋ fo wun, e shaà bùʼ woó wòŋ Ejiv e dzə̀m, bìʼ fo wù‑uù leey kfə́ a dzə̀ fó mbìy, shiy və́ vee vikuʼùy a dzə̀ ve wíy fo Nyùy.

Aysaya 55:1

Nyùy Tàr suuy jii: «Vèn yuúrí, ven adzə̀m ve kilòŋ kí yúmé, vèn wiy é ntoò ndzə̀v. Rúrú, ven ve á yòʼ kér mbàm, vèn wiy, e yùn viyíkìr vi, e yì. Vèn wiy, e yùn meluʼ mè wùn à vín nyàme, fə̀m mo bó vèn yòʼ kér mbàm. Fò Nyùy, a ví dzə̀ kisáŋ.

Ŋgàn 10:1

Ŋgàn se Solomon si sìne. Wàn lóo ker vifií, kitàr kí wàa yu vijuŋ, yúŋsi, wù wày kiyìy é nsòv.

Nsùyrì Nyùy 119:127

M dzə̀ kém, a m kòŋ nsər sé, e shaà kisha ke mbàm ke baar kí, a fə̀m dzə̀ ke á tònèn ne, e shèŋrì.

Ŋgaà Yen 3:18

M nén a tir ven jii, a vèn bèn taʼ a dzə rú vé bùʼu, vèn wìy, e yèn a dzə̀ mo, e yùn vifá vee vifá. Vèn wiy, e yùn *kisha ke mbàm ke ru kí ke á tònèn ne, e shèŋrì. Vèn wiy, e yùn ndzə̀y se sí fə́r kijuŋ, e sə̀tí kinshóʼ kén shó, fo wíri wáa yen, e kfə̀n yùn kifú, e wày e věn si, e fíʼ a yen virə́ʼ.

Matio 16:26

A wìr yì ndzə, yì may, wù bívír kitú kfə́, bo séʼ və dzə̀ ka? A wìr màʼày dzəʼə̀m rə́, wù wìy tìn, e fò ka?

Matio 13:46

Kishiíy kímóʼ kí fəə́, wù tó e wùmòʼ, a dzə̀ wo bùʼ. Wù nèn dù, e fiìnè kéŋ rə́ e dzə̀m, e yùn saàkìnshìy woo shooy sho.

Ŋgàn 17:16

Aá ton mbàm ji kiyúŋ kí keérí vifií, a bó kí yòʼ kér shií e yeʼéy, bo séʼ dzə̀ ka?

Ŋgaà Yen 12:11

Yii bèy, aáwune ghàʼ ne wun, bìʼ fo vé‑eè tíy kév a dzə̀ é mensə me Wàn Njiì Nyùy, fiʼtì a dzə̀ kinyo ke Nyùy, e kfə̀n biìmé kpú bìʼ kinyo kee shooy.

Lim Aŋgàa Ntum 20:23

Kinyo ke m kiìn cáʼ ki dzə̀ jii, virə́ʼ ve m shaa sho vidzə̀m, Kiyoy ke Ranén kí kù yii, a wíri tiísi e mò ji m wíy meé e Jerusalem, a ker a ŋgeʼ, aá wáy mo é sháŋ.

Ŋgàn 9:8

Lá à yòʼ a tir wír wo wù shéʼ Nyùy, fo wù wáa bàn wò. Aà din jay a dzə̀ wo fiì, bo wù yíi a kòŋ wò kóŋen.