Ŋgàn 23:18 - ŊWÀʼ NYÙY

¹⁸ Rúrú, kibvəə́shí ké ki tíy fo, a bó yòʼ dzə̀ kifá ki sə̀ʼ kinyo ke à tiirin vifií shó.

Ŋgàn 23:18 Referans Kwoze

Hibru 10:35

Mo vèn sí yén ŋgeʼ sinín, tiir a dzə̀ Nyùy fo mbìy, vèn ku nèn a yiì bèy, bìʼ fo vèn kiìn ji wù kù wíy a sə ven, a dù duùn fó mbìy.

Nsùyrì Nyùy 9:18

Yii bèy, á yòʼ wíy a làysìn vé kitàne, a bó yòʼ dzə̀ kwaʼtì aghéʼnceyí wìy kòsìn, e lày kisáŋ ŋkuuŋkùŋ.

Jeremia 29:11

Mo woo Nyùy Tàr suuy jii, m kì vinyo ve m leemè ven shó, m leemè e dzəʼə̀m ye juŋe, a bó yòʼ dzə̀ e ŋgeʼ. M wíy yiì, é vèn wáa dzə kijuŋ, a leéy fó mbìy, a ker kwaʼtì ye juŋe,

Ŋgàn 24:14

Kù dzə̀ réŋréŋ mo kiíyi dzəə̀n e wò dzə̀ʼə̀m, aà keèrí, bo kibvəə́shí ké ki sí yiì a tiy fo, a bó yòʼ dzə̀ wìr bvə̀ə́r vifií vé fo kinyò ke à tiirin shó.

Filipi 1:20

Kinyo ke m taʼ feyì, e way vifií shó cáʼ ki dzə̀ ji lá kí yòʼ kòóy a ji m yii kinyo ke kí wáa fo mo woómé. M kú a kur shilív, a tiy kitávín ghán sidzə̀m, bo taaka lèn və̀n, kìn dzə̀ ji á yúyri mo, kìn m goʼ e tin, é kinyo ke m yii kidzə̀m ki wáa meér yír a dzə̀ yé Kristu.

Ŋgàn 24:20

Kibvəə́shí ké wìr wo bi kí yòʼ dzə̀, a kikaʼày ké wìr wo wù méŋ Nyùy ki kù wíy ndzəmén.

Nsùyrì Nyùy 37:37

Wáy síi e wìr woo là nsem wùn. Wáy e wìr wo wù yii vinyo və́ tìítiy wùn. Wìr wo wù koŋ nyaáŋ dzə̀ wo wù wíy a ker rám.

Ŋwàʼ Luk 16:25

«Abraham bìnèr kfə́ jii, ‹Wan wom, kuúmé ghán se wò‑oò dzəə̀n e tin si. Wò‑oò sí kér vifá vé ve juŋ vi vidzə̀m, a Laasaror yén kfə́ a dzə̀ ŋgeʼ. Lèn və̀n, sí yú Laasaror vijuŋ, aà yén ŋgeʼ.

Nsùyrì Nyùy 19:11

Rúrú, Nyùy Tàr, vinyo vé vi tír ŋgaà lìm wò, m lóo yunín, m wàa ker vilaámé vigháʼán.

Nsùyrì Nyùy 58:11

Wíri wíy a binsí jii, «Rúrú, wír ve á yúnin Nyùyi kér vilaámé.» Á wíy a binsí jii, «Rúrú, Nyùy dzə̀ shó wo wù sáʼ kitú ke nsay.»