16 Rúrú, à wíy lòo suúy suuyrú, é m wáa sàvnìn.
Vèn yuúrí, m yíi a suúy vinyo a dzə̀ ve ví kér gháŋ, vinyo ve ví yíi a fəə fo mǒ shuù vi dzə̀ ve ru ví.
A bó kí yoʼ ghèén sa ji wìr wáa fèr kimfèr ke kisaŋ ki, a mèn jí se bi sí, kìn wù fer a dzə̀ kimfèr ke kiyuŋ kí. Vèn wáa fèr a dzə̀ vinyo ve dzə̀ ví wàa sùyrì Nyùy.
Dzə̀ rú, vèsən dzə̀ ben, a vèsən jáy vinyo vinín. Yii bèy, wìr lóo dzə a dzə̀ wù mèy kiliímé kfə́, e làa yòʼ a jay kinyo fo wùn shuù, bo ŋgaàŋ ghèén feyì. A dzə̀ wù kòytí kitú kfə́ dzə́ə sidzə̀m.
Vèn ku nèn a bùnrì ji m wáa fìʼtì a tèéter, là fan mo dzə̀ m kù a fìʼtì.
Vèn wáa yen fo wìr wáa suŋnín lám wo bií. Vèn wáa suúy a dzə̀ kinyo ke kí wáa tir wír tirín, wíri lóo yu, aá wáa yu a dzə̀ vijuŋ.
Lá à yòʼ a baŋrí yii wìr ve bií, a meŋ Nyùy. Kú a dìy ké ji à wáa ghvəm Nyùy Tàr ghán sidzə̀m.
