Ŋgàn 23:15 - ŊWÀʼ NYÙY

¹⁵ Wan wòm, aà lòo dzə, a ker vifií, bo m yíi a yu vijuŋ.

Ŋgàn 23:15 Referans Kwoze

2 Joon 1:4

Mò‑oò yèn mo wón vé ámóʼó jumrì kinyo ke dzəə̀n ke ru kí, a sheʼrí feyì. Aá jumrì réŋréŋ mo Nyùy suuy ji vèsən wáa yiì.

Ŋgàn 29:3

Wàn lóo kòŋ a ker vifií, wù shèʼér kitàr, a wo wù shemen ŋgoo wùn aàsàkìi laar kfə́ kéŋ tàr wov láarin.

Tsəfaniya 3:17

Nyùy Tàr woo Nyùy won dzə̀ e věn mvəm. Wù dzə̀ wir rə̀r wo tavín wo wù luŋèr ven. Wù wíy a sheʼrí ven, wù wíy a kòŋ ven, é melív men mè wáa dzə ji nyaáŋ. Wù wíy a sheʼrí ven, a seŋ, a sàvnìn,

Ŋgàn 4:1

Wòn vem, vèn ku yuùrí ntir tàr won. Vèn fó vituʼùr ví, e yuùrí jí sém sí,

Ŋgàn 2:1

Wan wòm, ku yù jí sém sí, e lèm ntò sém sé yeʼéy si.

Ŋgàn 1:10

Wan wòm, a wír ve á yii vinyo ve bi vií lò, a bayír wò, lá à yòʼ suùsín vèn áwune.

1 Joon 2:1

Wòn vem, m sáŋ ŋwàʼ və̀n fo vèn ben fo vèn kfə́n a jay vinyo. A wìr lòo dzə, e kfə̀n jày kinyo, wù wàa kiíy ji wìr wùmòʼ dzə̀, a bó wù yòʼ kér njò, a wù tíy e Tàr wov Nyùy si, búʼ wó bìʼ vèsən, a ŋgaàŋ dzə̀ Jesus Kristu.

Ŋgàn 15:20

Wàn lóo ker vifií, kitàr kí wàa sheʼrí. Wìr yúŋsi, wù wàa leéy kiyìy ntéŋ.

Ŋgàn 10:1

Ŋgàn se Solomon si sìne. Wàn lóo ker vifií, kitàr kí wàa yu vijuŋ, yúŋsi, wù wày kiyìy é nsòv.

Joon 21:5

Wù nèn jàŋ áwune jii, «Ŋkàr sem, vèn ku koò sə́ à?» Á bìnèr jii, «Vèr yoʼ koò kifá.»

Joon 15:11

M sùúy ne vinyo vìn e vèn ben, é kishéʼrì ke kí dzəə̀n e mǒ shiliv kí fíʼ a dzə sa e věn meliv, é vèn maysi rú, a ker kishéʼrì.

Ŋwàʼ Luk 15:32

Yii bèy, a dzə̀ wòsò kù a sheʼrí ké fər wò kìn. Vé‑eè kí ji wù kpù ne, wù wíy, a wù dzə̀ e tin. Wù‑uù lày ne, wòsò kfən yèn lèn.› »

Matio 9:2

Wù meé fó, wír ámóʼó toór wír, a shwín sí ndzə́m ne, e wìy, e yèn wun sho. Jesus yén mo wír vìyi wayin shilív e wun wùn é ŋàŋ, e yòŋ e ndzə́m və̀y jii, «Ŋkar yèm, vishí vé vi bòŋ ne. Á làysìn ne vinyo vé ve bi ví.»

Jeremia 32:41

M wíy a ker áwune é shiliv she juŋ shi, a geʼ sho. M wíy tuúy áwune é nsay fèn ŋkuuŋkùŋ, a leéy fo fo shilív shém shidzə̀m, à vitaáví vém ví vidzə̀m.»

Ŋgàn 27:11

Wan wòm, á dzə fií, e yiì, é m wáa yu vijuŋ, é m bóo fíʼ sətí shúu wìr wo wù say mo.