13 Lá à yòʼ yàr fó a sə̀r wán, aà fə̀m ndzə́n a dzə̀ e ŋgwàne, bo yòʼ dzə̀ wù kpù.
Wìr kim ŋgwàn fo wàn, wù bìvír wán, wìr lóo kòŋ wán, wù wàa sə̀r.
Sə̀r wan wò, é wù yii, é shilív shé shi meeme. Rúrú, é wù yiì yiì, áà wáa yu vijuŋ.
Aá sər wán e ŋgwàne, kfə̀n tírí, wù wàa ker vifií. Aà leey leèyín, bo wù kù yíi lò, e shoór yè wov.
Kú a sə̀r wan wò, aà dzəə́ yoy, tiir e wùn wó, aà leey leèyín, bo à yúyri wun yúyrín.
Vèn ku nèn biìmé ŋgeʼ sidzə̀m, a kiíy ji Nyùy sər ven shó sə́rin moo wón və́. Bó wàn yòʼ dzə̀ shó wo bó kitàr kí yòʼ yii sáʼá.
Tiír vifií ví é yeʼéy, e fò vituʼùr ví, e yuùrí ntir.
Kiyúŋ kí rùn ne e wǎn kitu, aá kù yíi sə̀r e ŋgwàne, é kí du kwaʼda.