Ŋgàn 23:11 - ŊWÀʼ NYÙY

¹¹ Nyùy wo wù lo, wù tìn áwune fó ŋgeʼ tàv féyì, a wù yíi sə nsaʼ yev, e saʼ, é yì koó wò.

Ŋgàn 23:11 Referans Kwoze

Ŋgàn 22:23

Nyùy Tàr yíi sə nsaʼ yev, e saʼ, e nyàvrì e wír ve á nyavrì aáwuneé.

Ŋwàʼ Jov 19:25

«Yii bèy, m kì ji wìr wo wù wíy bìn nsaʼ yem dzə̀ á e tin, a kù wíy suúy wun jí kinjòʼsìbàm kùm mo é kitu ke nsay fèn.

Jeremia 51:36

Nyùy Tàr nèn sùúy e wír veé Jerusaleme jii: «Vèn leéy, e yèn, m wíy bìn nsaʼ yen, e siìr vinyo ve wír veé Babilone yiìn e vèn, é ví kfə́n aáwuné kitu. M wíy yiì, é loònsay yúm aáwuné wòŋ, é ndzə́v sév sí yúmkír.

Nsùyrì Nyùy 12:5

Nyùy Tàr suúy kfə́ jii, «Mo‑óò lo lèn, é vèn yén. Mo vèn nyavrì e vé kitàne, a vé ŋgeʼe ŋéyti sóŋ, m yíi kaáy, a kìŋsìn áwune mo á diyì.»

Remrí 27:19

« ‹Lǒn Nyùyi ku koò wír wo wù nyavrì e gháy kiŋgwìyi, kìn wó wàn tsə̀ə́, kìn e wó wiiy ŋkfəə.› «Á yoŋ bèy, é wìr dzə̀m ku bìnsí jii, ‹Kí kú a dzə bèy.

Ŋgàn 23:12

Tiír vifií ví é yeʼéy, e fò vituʼùr ví, e yuùrí ntir.

Nsùyrì Nyùy 68:6

Nyùy lo, wù fò láʼ aàtànfódùu. Wù lo, wù fə̀ə́r vé sháŋé, e wày é bùʼ, e fò wír ve á méŋ wun a dzə̀ nsay ŋgaŋ.