Ŋgàn 23:10 - ŊWÀʼ NYÙY

¹⁰ Lá à yòʼ kùvsín bìíy ŋgvən yee fó yàŋgùʼ, e nə̀ə́ e wón tsə̀ə́ virə̀ʼ.

Ŋgàn 23:10 Referans Kwoze

Ŋgàn 22:28

Lá à yòʼ kùvsín bìíy ŋgvən, kù dzə̀ bìíy mo atàr vée‑eè sanen fó yàŋgùʼ.

Sekariya 7:10

Feyì feyì, lá wìr yòʼ a nə̀ʼsì wiiy ŋkfə, kìn wan tsə̀, kìn kiŋgwìy, kìn ghéʼncey. Lá wìr yòʼ a taŋ kinyo ke bi kí kùm fə́r və.»

Remrí 27:17

« ‹Lǒn Nyùyi ku koò wír wo wù kúvsin bìíy njàvìn.› «Á yoŋ bèy, é wìr dzə̀m ku bìnsí jii, ‹Kí kú a dzə bèy.

Jeem 1:27

Wìr wo Nyùy yén ji wù yú rú kinyo kfə́ shilív shimòʼón, a bó wù yòʼ kér jay wùmòʼ, dzə̀ wo wù leey fo wón tsə̀ə́ wùn à vikǐy ŋkfəə, sə́ áwune. Kfə́n a dzə wír wo wù kim kitú kfə́, fo vinyo veé ndzə fèn vi bívír wun.

Jeremia 22:3

Nyùy Tàr suuy jii: Vèn wáa tinén vinyo là kiloʼ, a yiì vinyo tìítiy. Vèn wáa sə wír wo á bóʼó fo ŋgaà mbóʼmé wo. Lá á yòʼ a ker nə̀ʼsì. Lá á yòʼ a nyàvrì e viŋgwìy vi, kìn e wón tsə̀ə́, kìn e vikǐy ŋkfəə. Lá á yòʼ a yuyrí sa alànjò é nsay fèn.

Remrí 19:14

«Vèn wíy lóo dzə e nsay ye Nyùy Tàr woo Nyùy won fó e vèn ji vèn yov ji vitsə́ʼ, lá vèn yòʼ kùvsín bìíy se vèn aàfə́r véné, se wìr ŋgùʼ‑uù toʼtin, e wày tíy fó.»

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Jeremia 7:5

« ‹Ké ru kí, a vèn lòo dzə, e kùvsín liì won, e kùvsín yii yén, e làa yòʼ a loʼ rú afə́r vén,

Nsùyrì Nyùy 94:6

Áwune seéri vikǐy ŋkfə wùn aàbeèshàa, yúyri wón aŋkfə, suuy jii,

Ŋwàʼ Jov 22:9

Wò‑oò lo, à jùm vikǐy ŋkfə, á wàa dùkìr e wóo kisáŋ, e laàr ntom ye wón ŋkfəə kì yíi a lùŋ fo fo.

Ŋwàʼ Jov 6:27

A dzə̀ ven, vèn kù lì wón tsə̀, a tsəm kàŋ sho, a kavnín ŋkar sén, a fiìnè.

Ŋwàʼ Jov 24:9

Vé mbàm ámóʼó foor vé kitàne mbàm. Á dzə́r, sí buu, á nèn kòy wón tsə̀ fó vin ji tiír.

Ŋwàʼ Fəə 22:22

«Lá vèn yòʼ a nyàvrì e wiíy ŋkfə, kìn e wàn tsə̀.

Ŋgàn 15:25

Nyùy Tàr saʼtì lav wìr wo wù ŋaʼà, kiŋsìn kéŋ wiíy ŋkfə kíŋsin.

Jeremia 7:6

e làa yòʼ a nə̀ʼsì viŋgwìy wùn à wón tsə̀ə́, à vikǐy ŋkfəə, e làa yòʼ a yuyrí alànjò é wòŋàn, e làa yòʼ a jùmrì sa anyùy, e lor vitú vén,