Ŋgàn 22:9 - ŊWÀʼ NYÙY

⁹ Wìr lóo ker wó rə́ tèéter, Nyùy wàa səə̀vì wun, bìʼ fo wù jav vifá ve yi e vé kitàne.

Ŋgàn 22:9 Referans Kwoze

Ŋgàn 19:17

Wìr wo wù shám ŋgaà kitàn, maʼ a dzə̀ Nyùy Tàr ŋgwáʼ, a wù wíy kòr mo wù‑uù màʼàn.

Hibru 6:10

Bó Nyùy yòʼ yii lóʼ wír. A bó yòʼ dzə̀ wù làysìn mo vèn rə́si lim e wùn kinyò. Wù yoʼ làysìn mo vèn koŋ wír ve dzəə̀n və́ adzə̀m, sə́ áwune. A vèn lim a dzə̀ fo wun réŋréŋ mo vèn kù yii, e shem lèn.

1 Pita 4:9

Vèn wáa sənín vitú vén, é wìr wáa səəsí wír e wùn lav, a ker kijuŋ, e làa yòʼ a ghvə̀vrì.

Lim Aŋgàa Ntum 20:35

Vinyo ve mò‑oò yii vidzə̀m vi kù‑uù din e vèn ji wìr wáa lìm e wó rəə́, e fíʼ a sə vé kitàne, a kuumé kinyo ke Tàr wòsən Jesus‑eè suuyin jii, wìr wo wù kér kishéʼrì dzə̀ wo wù jav vifá, e shaà wo wù shiy shìyìn ji á fó.»

Hibru 13:16

Lá vèn yòʼ a làysìn sa fó a yiì vinyo ve juŋ vi, a jàv vifá vén, a sə wír ámóʼó shó. Vèn wáa kuumé jii, vèn lóo yiì bèy, bo dzə̀ á cu ye Nyùy koŋè.

Ŋwàʼ Luk 14:13

À wíy kaʼ kinyo, à bì a dzə̀ aŋgàa kitàn, e kfə̀n bì andzə́m, wùn aàŋkivkìri, aàmfìri.

Aysaya 32:8

Yii bèy, wìr woo wír kù kér vinyo ve wù yii, a dzə̀ ve dzə̀ á wàa ghvəm. Wù táŋ kinyo ke juŋ ke wù taʼ e yiì, wù kù a tiy a dzə̀ e kíwun ki.

Ŋgàn 21:13

Wìr səmrì vituʼùr fóo yu tóŋ ŋgaà kitàn, Nyùy sə̀mrì sá fóo yu rə́.

Nsùyrì Nyùy 112:9

Wù kér wó rə́ tèéter fo vé kitàne ghán sidzə̀m, aá kù wíy a fèr liì və wo juŋ, e dù, e mày. Á wíy bùʼ wun e vitaáví ví wùn à viwìr vi.

Ŋgàn 11:25

Wìr lóo fo kicaárín, vikuʼùy ví wàa nəə́ wun. Mo wìr sə́ wíri, kù dzə̀ sá mo á yíi sə sa wun.

Maak 7:22

Kfə́n lo, wù wàa siimé kinsiimè, a ker shilív she bi shí, a boʼtí kimboʼtì, a yiì liì kisaŋ, a ghèʼ kighèʼ, a suʼ kinsuʼ, a koʼór wún, a yiì kiyúŋsì.

Matio 20:15

A dzə̀ m yiì kinyo ke m koŋ yiì e mbàm sém sí. À rə̀sí, a ŋeèy bèn ji bìʼ fo m shám wír ámóʼó ji ka?› »

Remrí 28:56

A fə̀m wìy a dzə wiíy e věn mvəm, a wù tókirì, aá kfən lìy kijuŋ moó le, wiíy wo bó yòʼ dzə̀ féyì, wù biìmé kiwuú kí kùm nsay, bo wù kù wíy kàm fo lum və woo wun mbuùy kikùn, e kàm fo wan və woo lumèn, e kàm fo woo wiíy.

Ŋgàn 31:20

Wù yii kér wó tèéter fo vé kitàne. Rúrú, wù yii sə́ aghéʼncey.

Ŋgàn 11:17

À lóo sham wíri, à kàv vijuŋ, e wày é wùn. À lóo nyarnín, à kàv ŋgeʼ, e bàʼtí e kitu.

Ŋgàn 11:27

À lóo ker njiìn wo juŋ, wíri wàa kòŋ wò. À wáa tàʼ melaà, à yèn melaà.

Ŋgàn 14:21

A wìr ŋwáy ŋgaà shuù lav və, bo dzə̀ kinyo ke bi kí, wù wáa rər mendzən me ŋgaà kitàn, wù wàa ker kisəəvì.

Ŋgàn 28:24

Wìr faasì kifá ke tàr wov, kìn ké yè wov, sévti ji bó yòʼ dzə̀ kinyo ke bi kí, bo wù shèm ne ŋgoo kinjuyrìwìr.

Ŋgàn 28:27

Wìr wo wù kér wó rə́ tèéter fo vé kitàne yòʼ wíy a buŋ kifá, yii bèy, aá kù wíy a shov wír wo wù kam fo vé kitàne shóvín.