Ŋgàn 22:7 - ŊWÀʼ NYÙY

⁷ Mo ŋgaà mbàm kù yii kóʼ ŋgaà kitàn kóʼón, bo kù dzə̀ sá réŋréŋ mo ŋgaà mfoòmé kù dzəə̀n sá kwǎn ŋgaà foòr.

Ŋgàn 22:7 Referans Kwoze

2 Afòn 4:1

Wiiy ŋgaà ŋgoo wùmòʼ fo aŋgàa ntum Nyùyi wìy lò, e tòŋ e Elisha jii, «Lum wom woo ŋgaà wò lìm kpù ne. À kì ji wù‑uù kér a fán Nyùy. Yii bèy, ŋgaà kaa və wìy ne ji wun li a wón vém vee abaà ji akwàn və́.»

Ŋgàn 22:16

Aà nyavrì e ŋgaà kitàn ji à dzəsi káv wó, kìn à fó fómo e ŋgaà mbàm, bo à kù yíi a ghiy ghiyín.

Ŋgàn 18:23

Ŋgaà kitàn lóo suŋnín kfə́, wù wàa lon ji weè. Yii bèy, ŋgaà mbàm kù a bìnèr kfə́ kinyo ji shwǎŋ.

Jeem 2:6

Vèn ló kén, e nèn a shoór wír woo ben shoórín ji ŋgaà kitàn. Mo vèn sí yén kén a dzə̀ aŋgàa mbàm, wír ve á rə́si táy ven, li, ghán sho e virə̀ʼ vé nsaʼa dzə̀ ala? Bó yòʼ dzə̀ vé mbàme a?

Matio 18:25

sí gháʼ fo wù laʼ. Fòn suúy jii, á li, e dù, e fiìnè wùn à wiíy, à wóné, à kéŋ rəə́ e dzə̀m, e bàʼtí mbàm, e wìy a sho.

Ŋgàn 22:22

Lá à yòʼ shwìv ŋgaà kitàn ji bìʼ fo wù tanè, kìn ji à nyavrì e ghéʼncey é lav nsaʼ.

Ŋgàn 14:31

Wìr lóo nyàvrì e ŋgaà kitàn, bo wù kuu Nyùy woo ŋgaà mbom və, wìr wáa rər mendzən me ŋgaà kitàn, bo wù ghvə́m Nyùy.

Jeem 5:1

M nén a suúy kinyo kímóʼ kí lèn a dzə̀ e vé bùʼu. Vèn wáa dìy, a ghèʼsìn. Ŋgeʼ yíi gbù e věn kitu.

Amos 8:6

Vèr kér fó yìi yun vé kitàne ji akwàn, bìʼ fo bó yòʼ dzə̀ áwune làʼ kaá ye á kérí, a yí fə̀m dòr ye dzə̀ á yùn a dzə̀ kiwuú ké lábáʼ shó cáʼcáʼ. A fə̀m dzə̀ saár ye á yèrìn ne a dzə̀ riímé, bo vèr kù‑úù fiine, e kòóy.› »

Amos 8:4

Amos kfə́n a yiysí jii, «Éè wìr veé Isray, ven ve vèn táy aghéʼncey, nyeŋrì vé kitàn veé wòŋ, vèn yuúrí,

Amos 4:1

Ven vee vikìy veé Samaria, vèn yuúrí kinyo kìn ki. Vèn yuúrí, ven ve á fàŋkìn moo anàʼ veé Bashan. Vèn nyavrì aàŋgàa kitàne, táy aghéʼncey, lo, á wàa tiy tiyín aàlúm vén vee kfə́m sé wírií kitu jii, vèn wáa dzə rì, e làa yòʼ fo meluʼ é vèr nó.

Aysaya 24:2

Kinyo kìn ki wíy a kùm wir dzə̀m réŋréŋ. Kí wíy a kùm taà cù réŋréŋ mo kí kum wír woo və̀y, a kùm wír ve kuʼkìné réŋréŋ mo kí kum akwàn vév. Kí wíy a kùm vikìy veé lav réŋréŋ moo wón ve á lim e lav, a kùm wír ve á yún vifá réŋréŋ moo aŋgàa fiìnè. Kí wíy a kùm wír ve á foor wíri mbàm réŋréŋ moo aŋgàa mfoòmé, a kùm wír ve á sámer wír vifá réŋréŋ moo aŋgàa sam.

Jeem 5:4

Vèn‑eè rə́si bóʼ aŋgaà vén lìm. Á ghitìr, káv vifá vén fó sum, vèn kfə̀n yì vilaʼày vév. Vèn yuúrí ri mo á tóŋ fo kwaʼ. Aá tòŋ ne, Nyùy Tàr woo Taà Mànjòŋ yú.

Amos 2:6

Nyùy Tàr suuy jii: «Abaày, wír veé Israyi fìʼ a dzə̀ ka? Áwune jáy vinyo, jáy, tónenè, a m kù‑úù maʼ ŋgeʼ aáwuné kitu. Yìiy, á kan alànjò, aá lim vikwàn ji áwune fiʼ kòóy, li ghéʼncey, á kàv kiwuú ké lábáʼ shó.