Ŋgàn 22:6 - ŊWÀʼ NYÙY

⁶ Ku mèrìr wán a dzə̀ e liì wo juŋ, wù wíy kúyí, é la wù yòʼ màʼtì liì woo shooy.

Ŋgàn 22:6 Referans Kwoze

Efesor 6:4

Ven vee atǎr woné wáa kiíy sa jii, lá vèn yòʼ a nyàmnyàm wón, aá wáa tùʼtìn, a meŋ fo á dzəə̀n, e nèn a lò, a tav kitú. Vèn kú a lon a dzə̀ fo Tàr wòsən Jesus Kristu mo dzə̀ vèn wàa naàrì wón vén, a yeʼéy áwune é dzəə yee réŋ.

Remrí 6:7

Vèn bónén, e yèʼéy wóné shó, a ruvtí e ghan se vèn dzə̀kìn e věn melav, a ruvtí e ghan se á ghán e yuv, kìn é ghan se á neèmèn, ǎ ghan se á loòn é yuv.

2 Timoti 3:15

a kuumé jii, wò‑oò sí yú a Ŋwàʼ Nyùy, e kèʼ fo meterí. A dzə̀ kinyo ke dzə̀ kí tìr wò, áà kiíy mo dzə̀ wìr wày shilív e Jesus Kristu wùn, e bóo wìy lùŋ.

Kèʼlo 18:19

M shòʼ ne wun ji wù wáa dànèr a wón və́ wùn à rám rəə́ ji á wáa yunín mo, a yiì vinyo tìítiy là jay, é m fiʼ wìy yiì kinyo kidzə̀m ke mò‑oò kàʼàn wun sho.»

Remrí 4:9

«Kinyo kimòʼón ki nén a dzə jii, vèn kim vitú vén ví, a tiír kiwuú kén, a fìʼ, a yen fóo làysìn kinyo ke vèn‑eè yenen e sí yéné. Lá vèn yòʼ biìmé, é kí fəə́ fo věn meliv mo vèn wíy a dzə sho. Vèn naari kinyo kee shooy ki e wón véné, e naàrì e wón woné.

1 Samuel 1:28

M nén a fo lèn e Nyùy Tàr, e kèʼ mo wù wíy dzə̀ʼə̀m e dù meé, kù sì wo Nyùy Tàr.» Wù súŋnín bey, áwune nèn làʼ kitú e nsay, a ghvəm Nyùy Tàr fó.

1 Samuel 2:26

A wan woo Samuel kù kúy kfə́ kuyín, Nyùy Tàr wùn à wíri wáa kòŋ wun.

Remrí 11:19

Vèn kù wíy a yeʼéy wón vén shó, a ruvtí e ghan se vèn dzə̀kìn e věn melav, a ruvtí e ghan se á ghán e yuv, a ruvtí e ghan se á dzə́ e nsay, a ruvtí e ghan se á lo e yuv.

Atǎr Nsaʼ 13:12

Manoa dzə́r shó jii, «Kinyo ke à suuyin kin ki yíi fəə ji ke ru kí, bo dzəʼə̀m wan və̀ne wíy a dzə e le, a wù wíy a lìm a dzə̀ ka?»