Ŋgàn 22:4 - ŊWÀʼ NYÙY

⁴ A wìr kfə́menè, ghvə́m Nyùy Tàr, bo vilaʼày və́ ví dzə̀ vikuʼùy, ghvə́m, wùn à dzəʼə̀m ye dáa.

Ŋgàn 22:4 Referans Kwoze

Matio 6:33

Vèn ku nèn a tiír a dzə̀ Nyùy fo mbìy ji vèn wáa yu sáʼ rə́, a yiì réŋ mo yí dzəə̀n, é Nyùy nèn fò ven vifá vìn vidzə̀m.

Jeem 4:10

Vèn wáa gvəʼə́r vitú vén a dzə̀ e Nyùy si, é wù wáa nàn ven.

Ŋgàn 21:21

Wìr lóo jùmrì kinyo ke Nyùy taʼà, lóo sham wíri, bo wù yíi a ker dzəʼə̀m ye dáa, é Nyùy wáa binsí wun, aá wáa ghvəm wun.

Aysaya 57:15

Wun woo Taà Vitu, wo viwìr və́ ví yòʼ kér mfìʼ, a wù kù dzə̀ shó ghán sidzə̀m, e dù, e jòʼsì, a yír rəə́ dzə̀ Ŋgaà wo Ranén, wù suuy jii, «M kù yii dzə́ kém é ntoò yùv, e mǒ kirə̀ʼ ke ranén kí, a m kfə̀n dzə́ sa vèr à wír ve á diy bìʼ ajay vév, néŋ e mǒ sii. M yiì bèy ji áwune fíʼ a ker fo á tiir vifií.

Ŋgàn 3:16

Vifií ví fó dzəʼə̀m e wìr a dzə̀ ye dáa, buʼ wun e vikuʼùy ví wùn à ghvə́me.

Jeem 4:6

Yii bèy, a Nyùy kù sheŋrì ghán sidzə̀m, a mè kù yòʼ tíy e wun wùn. A dzə̀ kíwun ke vé‑eè saŋen jii, «Nyùy méŋ wír ve á yén vitú vév, nèn leey ve á néŋ e wùn si, shám áwune.»

Aysaya 33:6

Mo vèn wíy a dzə e Sion, Nyùy Tàr kù wíy a dzə kikfə́vsì kén. Wù kù wíy a sə ven, e dù, e jòʼsì, a bùʼ ven e vifií ve ru ví wùn à kiíyi. Rúrú, ghvə́m ye Sion ghvə́m Nyùy Tàrí dzə̀ bùʼ wov wo ghaʼán.

1 Timoti 4:8

À kì sá jii, a wìr merìr wún və́ é kinyò, bo séʼ dzə̀ á sho. Yii bèy, wìr merìr a dzə̀ é kinyò ke kí wáa yiì, é wù wáa ghan mo Nyùy taʼà, bo woo shooy woo séʼ shaà, bìʼ fo kí sə́ wír e dzə̀ʼə̀m yeé nsay, e kfə̀n wìy sə e yé bàmé.

Ŋgàn 21:20

Fiì yii kér vifá veé kilùm veé shií é lav, a kiyúŋ kí jaar kfə́ və́ jaarín.

Ŋgàn 22:3

Wìr fiirì, wù bàʼàr kileémé, kiyúŋ kí nə̀ə́ shó nəə́n, a yen ŋgeʼ.

Ŋgàn 22:5

Dzə́ə sé ayìíkum sí dzə̀ vitám vitám, a dzə njoŋ njoŋ, wìr kim kitú kfə́, wù bàʼàr.

Ŋgàn 29:23

Wìr kóʼor wún, wù gbù, li kitú shishàr, á kù wìy a ghvəm wun.

Ŋgàn 31:30

Wiíy tó sí, vijuŋ və́ ví lèvtí wír, a ví kù lo, e ŋeemé, e lày. Yii bèy, a wiíy wo á yíi a burí dzə̀ wò wù ghvə́m Nyùy Tàr.

Daniel 4:36

«Kú a dzə e ghan se vifií vém ví kfənen é bàm sin, Nyùy ku nèn siìr vikuʼùy wùn à vijuŋ vém ví fó ji m kfə́n, a saʼ vifon vém e viwìr vi. Vé ntir wùn à vé saʼ vémé táʼ mo, e wìy, vèr áwune béynín, á siír mo é kàvàʼ, m kfə́n a saʼ vifon. Viwìr vém ví kfən kùʼ, e shaà mo ví‑iì dzəə̀n fó mbìy.

Ŋgàn 19:23

Wìr yúnin Nyùy Tàr, wù wàa dzə dzə́ ye juŋe, ŋgaàŋ wàa yikír, a neèm là kinyo ké a fàn.