Ŋgàn 22:23 - ŊWÀʼ NYÙY

²³ Nyùy Tàr yíi sə nsaʼ yev, e saʼ, e nyàvrì e wír ve á nyavrì aáwuneé.

Ŋgàn 22:23 Referans Kwoze

Nsùyrì Nyùy 140:12

Nyùy Tàr, m kì ji à yii leey fo vé kitàne, kiŋsìn gháy aghéʼncey.

Nsùyrì Nyùy 12:5

Nyùy Tàr suúy kfə́ jii, «Mo‑óò lo lèn, é vèn yén. Mo vèn nyavrì e vé kitàne, a vé ŋgeʼe ŋéyti sóŋ, m yíi kaáy, a kìŋsìn áwune mo á diyì.»

Ŋgàn 23:11

Nyùy wo wù lo, wù tìn áwune fó ŋgeʼ tàv féyì, a wù yíi sə nsaʼ yev, e saʼ, é yì koó wò.

Jeremia 51:36

Nyùy Tàr nèn sùúy e wír veé Jerusaleme jii: «Vèn leéy, e yèn, m wíy bìn nsaʼ yen, e siìr vinyo ve wír veé Babilone yiìn e vèn, é ví kfə́n aáwuné kitu. M wíy yiì, é loònsay yúm aáwuné wòŋ, é ndzə́v sév sí yúmkír.

1 Samuel 25:39

Davir yú kpú Nabal, e nèn yòŋ jii, «Búríi wáa dzə fo Nyùy Tàr wo wù kìmèn ŋgaà lìm və fó jay. Wù siìr ne ŋkfə́tír e Nabal fo kuù ye wù‑uù kuùn mo.» Davir nèn lò, e tsə̀nsí ntum e Abigail ji wun koŋ a ji wù wiy a dzə a wíiy və.

Nsùyrì Nyùy 35:10

M yíi a burí Nyùy Tàr, a burí feyì jii, «Rúrú, Nyùy Tàr, dzə̀ la moo wò? Dzə̀ faàsì la anjoó fo antaví wo? Yíi faàsì la anjoó, à vé kitàne fo ŋgaà nə̀ʼsì?»

Nsùyrì Nyùy 43:1

Éè Nyùy Tàr, ku dìn ji m dzə̀ là njò. Ku kìŋsìn ghay wómé fo wír ve á méŋ wòo. Fəə́r mo fo vé kimboʼtìí wo. Fəə́r mo fo wír ve bií kitam.

Malakay 3:5

«M wíy wìy e věn mvəm, e tiír ven é kibàʼ ke nsaʼ. M yòʼ wíy a mèʼmèʼ, e bó a toʼ kinyè ké wìr ve á yòʼ ghvə́m mo. M toʼ ké aŋgàa ŋgàŋ, e toʼ ké wìr ve á li vikǐy wíri, à ké wìr ve á bóʼti kimboʼtì e làv nsaʼa, à ve á tén fó a làʼ vé lìm vév, à ké ve á táy vikǐy ŋkfə wùn à wón tsə̀ə́, e toʼ ké wìr ve á tén fó tinén kinyo ke viŋgwìy e nsànloŋe. Suuy mo woo Nyùy Tàr woo Taà Mànjòŋ.

Mayka 7:9

Vèr jày ne e Nyùy Tàr, wù wáa shwiíy kilòŋ vèr áwune, a bó yòʼ dzə̀ féyì vèr ŋàʼ shuu. Fo bàm, wù kù wíy nəə́ e věr kinyò, e bìnèr kinyo ke bi kidzə̀m ke á yiìn e vèr e ke juŋ ki. Wù wíy fəə́r ver fó meranén, é vèr kú a dzə sho, a yen mo wù luŋèr wíri.

Jeremia 50:34

Yii bèy, Mfə̀ə́r wov dzə̀ e távín. Yír rəə́ dzə̀ Nyùy Tàr woo Taà Mànjòŋ. Wù kù yíi bìn nsaʼ yev, e yiì, é woŋ wóví wáa neŋ ji dèʼ, là fan. Ké wír veé Babilon, é wù maʼ a dzə̀ ŋgeʼ aáwuné kitu.»

Habakuk 2:8

Vèn faàsì ne kimfaàsì fo vitúm vi vinín, kibér ke wíri kí lo, e faàsì sa vén vee vifá, bìʼ fo vèn‑eè yuyrin wíri woŋ e dzə̀m, yúyri e ntèʼ sí, yúyri e ŋkà se laʼ.»

Aysaya 33:1

Lòné dzə̀ wón, ven ve vèn laar wíri, aá yòʼ‑oò ghàn ne laàr ven. Lòné dzə̀ wón, ven ve vèn kár menàŋ e wírí bàm, aá yòʼ‑oò ghàn ne kàr e věn bàm. Vèn yíi laàr, kén kí mayì, aá laar sá ven. Vèn yíi kar, méen mè mayì, aá fiine sá ven.

Nsùyrì Nyùy 68:5

Wù dzə́ e wun kirə̀ʼ ké dzə ke ranén kí, leey fo wón tsə̀ wùn à vikǐy ŋkfəə. Wù dzə̀ tàr fo alàtàrí, bin nsaʼ vikǐy ŋkfə.

Nsùyrì Nyùy 35:1

Éè Nyùy Tàr, ku kìnèn kinyo ke wìr ve á kinèn kinyo kémé. Ku fùnèn wír ve á funèn moó.

1 Samuel 24:12

Nyùy Tàr ku sàʼ nsaʼ vèr wun, aá yén ji sà jày la á? Kù yíi bìnèr a Nyùy Tàr fó kinyò ke fòn yii e mò, bìʼ fo bó yòʼ dzə̀ m mùm ji m yúyrí á fon.

1 Samuel 24:15

Nyùy Tàr ku sàʼ á nsaʼ vèr wun, e tìnén. Wù ku nə̀ə́ a e mvə̀m kinyò fèn, e bìnèr, e fò e mò, e fə̀ə́r mo á fo fòn kiwo.»

Ŋwàʼ Fəə 22:22

«Lá vèn yòʼ a nyàvrì e wiíy ŋkfə, kìn e wàn tsə̀.

Ŋwàʼ Fəə 22:23

A vèn lò, a nyàvrì aáwune, bo m yíi yu tóŋ yév, ye á yíi a toŋ e mò,

Nsùyrì Nyùy 12:6

Jí se Nyùy Tàr sí dzə̀ rú là kiloʼ, moo *kisha ke mbàm ke á tònèn é kilàm, e rànér kàŋ saàmbà.

Nsùyrì Nyùy 103:6

Nyùy Tàr bin kinyo ke alàghay. Wù kim ghay wóv, yii kinyo kee tìítiy aáwune.

Nsùyrì Nyùy 140:13

Rúrú, wír ve á yúnin wòo kù wíy a beèrì wò, a wír ve melív mev mè dzəə̀n tìítiyi wíy a ker kirə́ʼ kév ké dzə, a dzə̀ e wò si.

Ŋgàn 21:7

Melaà me wìr ve bií mè kù wíy laàr áwune, bì fo á tén fó a yiì kinyo ke réŋ kí.

Jeremia 30:16

«Yii bèy, a wír ve á bivirin vené dzə̀, aá kù wíy bivír sa áwune bey. Á wíy koorí aŋgaà vén vibàn adzə̀m, e dù sho ji vé sháŋé. Á wíy faàsì vifá ve wìr ve á faàsìn vén, a wír ve á nə̀ʼsìn vené wíy a dzə sa e nə̀ʼsì.