Ŋgàn 22:18 - ŊWÀʼ NYÙY

¹⁸ À yíi a yu vijuŋ ji à kìíy ne jí sìn, aà fey kìíy mó a yòŋ fo kitu.

Ŋgàn 22:18 Referans Kwoze

Jeremia 15:16

Kinyo ké ki‑iì wìy, e yèn mo, m lí moo viyíkìr. M kér kishéʼrì mo shilív shém shí‑iì tíy sho. Éè Nyùy Tàr, Nyùy woo Taà Mànjòŋ, m kù dzə̀ wo woo wír.

Ŋgàn 2:10

À yíi a ker vifií ve ru ví, é vinyo ve à kiiyin ví yii, áà wáa yu vijuŋ.

Ŋgàn 15:7

Fiì fó yéʼéy, yí tìr wíri. Njìʼ lo kfə́, wù mèŋ yéʼéy.

Ŋgàn 10:21

Wìr yúnin Nyùy, wù yìír ŋgòŋ e jí si, du e kiyuŋ, wù kpù kibúŋ ke vifii.

Ŋgàn 8:6

Vèn yuúrí, m yíi a suúy vinyo a dzə̀ ve ví kér gháŋ, vinyo ve ví yíi a fəə fo mǒ shuù vi dzə̀ ve ru ví.

Nsùyrì Nyùy 119:103

Jí sé si nyòm, e ghèén mo é le ben? Sí nyom e mǒ shuù, shaa vilu.

Hibru 13:15

Vèsən ku nèn a tiy e Jesus wùn ghán sidzə̀m, a burí Nyùy, é wáa dzə cu ye wír ve á yoŋ yír rəə́ cu wun sho.

Joon 7:38

A ké wìr wo wù wáy shilív e mǒ wùn kí wíy a dzə mo vé‑eè yòŋèn é Ŋwàʼ Nyùy ji ‹Ntòŋ sé ndzəv sí wíy a fəə fo ŋgaàŋ shiliv, a fo mendzə́v me mè fó dzəʼə̀m yee là may.› »

Ŋgàn 25:11

Ntir yee tír é dzəə yee réŋ bòŋ, moo kifá ke sùsù ke á fèrìn e *kisha ke mbàm ke baar kí, e kfə̀n jùŋ e ke fəvír kí.

Ŋgàn 16:21

Fiì dzə̀ wír wo wù kiìn jeéyjeéy fó vinyò, a kiláyláy kfə́ ke juŋ ki dzəsì yéʼéy e wíri.

Ŋgàn 10:13

Á kiiy fií bìʼ kisúŋnìn. À yav lám, ŋgwàne toòmé wò.

Ŋgàn 3:17

Ví yii, a wìr dzə́ e vijùŋ, kiŋsìn ŋgaàŋ, a wù dzə́ ji nyaáŋ.

Nsùyrì Nyùy 119:171

M kù yíi a burí wò, bìʼ fo à yéʼey mo sáʼ yé.

Nsùyrì Nyùy 119:162

M shéʼri ŋkàʼme wò e ŋàŋ, moo wír wo wù toon é bùʼ e gháʼán.

Nsùyrì Nyùy 119:111

M lì ne vinyo ve à dìnèn ji vitsə́ʼ vém vee là may. Eè, dzə̀ víwun ve ví fó mo kishéʼrì e mǒ shiliv.

Nsùyrì Nyùy 119:13

Vinyo ve à tinen fo wò shuù, e wày ji nsər, m kù yoŋ, rúvti vidzə̀m.

Nsùyrì Nyùy 19:10

A dzə̀ á wàa ker shií é kinyò ke Nyùy, e shaà mó a diy *kisha ke mbàm ke baar kí, fə̀m dzə̀ ke kuʼùn kí ke á tònèn, e shèŋrì. Kinyo ke Nyùy ki nyòm, e shaà vilu, woó vilù ve ví shém fo ghàm si.

Malakay 2:7

«Rúrú, dzə̀ kilíŋ ke taà cù ji wù yii, é wíri kiíy kinyo ke Nyùy ke kí kù yii dzə́ tìítiy, a wìy, a yen wun, e fíʼ a yu ntir fo wun shuù, bìʼ fo wù dzəə̀n ŋgaà ntum Nyùy Tàr woo Taà Mànjòŋ.

Ŋgàn 22:19

M sí yéʼey wò lán ji à fíʼ a yu a dzə̀ fo Nyùy Tàr.

Ŋgàn 4:20

Wan wòm, fó vituʼùr ví é ntir se m fó e wò, e yuùrí kijuujùŋ.

Ŋgàn 4:21

Lá à yòʼ màʼày jí sém. Ku lèm, a yen fo sí fəə́ fo wò kitu,