Ŋgàn 22:16 - ŊWÀʼ NYÙY

¹⁶ Aà nyavrì e ŋgaà kitàn ji à dzəsi káv wó, kìn à fó fómo e ŋgaà mbàm, bo à kù yíi a ghiy ghiyín.

Ŋgàn 22:16 Referans Kwoze

Jeem 2:13

A kí dzə̀ jii, Nyùy wíy lòo tàr ké wìr kee kinyo, é la wù yòʼ a rər a mendzən fo wìr wo bó wù yòʼ‑oò ló a rər sa fo wír ámóʼó. Yii bèy, lóo dzə wír wo wù‑uù rə́r mendzən me wír ámóʼó, é Nyùy rə́r sá mvə́ə.

Nsùyrì Nyùy 12:5

Nyùy Tàr suúy kfə́ jii, «Mo‑óò lo lèn, é vèn yén. Mo vèn nyavrì e vé kitàne, a vé ŋgeʼe ŋéyti sóŋ, m yíi kaáy, a kìŋsìn áwune mo á diyì.»

Ŋgàn 28:3

Ghéʼncey wo wù kóʼ é ntaʼ, e kfə̀n a nyàvrì e vé kitàne, dzə̀ moo kiŋkò ke wuu ke kí kúŋ vifá ve yi là nyaʼ.

Ŋgàn 14:31

Wìr lóo nyàvrì e ŋgaà kitàn, bo wù kuu Nyùy woo ŋgaà mbom və, wìr wáa rər mendzən me ŋgaà kitàn, bo wù ghvə́m Nyùy.

Ŋwàʼ Luk 16:24

Wù nèn a jàŋ jii, ‹Taàtá Abraham, ku shàm mendzən mem mè, e tùm Laasaror, é wù wáy wan kiwo e mendzə̀v, e wìy, e rəə̀r kiliímé kém shó. M yén ŋgeʼ ye tavín é mvə̀m və̀y fen.›

Ŋgàn 28:22

Ŋgaà vikaàmè kù yii búʼ kfə́ ji wun kuʼ cér, a bó wù yòʼ kì ji wun kù yíi jòʼsì a dzə̀ é kitàn.

Ŋgaà Tàrvìnyò 5:8

Aà yèn, a vé saʼa nyavrì aàghéʼnceyí, tén fó a tinén kinyo kév é nsànloŋ, kù shwiv áwune shwívin, lá kí yòʼ a ma shuu wó, bìʼ fo wìr wo kuʼùn lóo dzə, wùmòʼ kù a dzə wo wù kùʼùn, e shaà wun, wo wù kiʼ kifá fo wun. Aámóʼó kfə̀n dzə̀ə́ ve á kùʼkìn áàntaʼ, aá kiʼ sa vee shooy.