Ŋgàn 22:11 - ŊWÀʼ NYÙY

¹¹ A wìr kér shilív she juŋ shi, shám wíri, bo dzə̀ fòn koò wun e viŋkar.

Ŋgàn 22:11 Referans Kwoze

Matio 5:8

Bòŋ ké wìr ve á kér melív me juŋ mè, bìʼ fo áwune wíy yen sí Nyùy.

Ŋgàn 16:13

Fòn yii koŋ e yu a dzə̀ suuyrú, shéʼri wír wo wù suuy suuyrú.

Ŋgàn 14:35

Nshìylav lóo lìm lim rə́ kijuŋ, fòn wàa kòŋ wun. Nshìylav lóo shoór lim yeé ntoʼ, fòn màʼ ŋgeʼ sho.

Nsùyrì Nyùy 101:6

M kù yíi leéy a dzə̀ wír veé wòŋ vee jwáʼ, e bóo lì ji vèr áwune wáa rəsí e ntoʼ. Wìr lóo dzə woo là nsem, bo dzə̀ wo wù yíi a lìm fo mò.

Nsùyrì Nyùy 45:2

Nyàr, á dzə̀ á wánlè nsùm, aá tò á sí. Á kì á kisúŋnìn feyì feyì. Nyùy bùʼ a ne wun e kisəəvì kee là may ki.

Ŋwàʼ Luk 4:22

Wíri wáa yuurí vinyo ve wù suuyì, a ví boŋ e ŋàŋ, a ker gháʼ, a binsí wun, e bóo kfə̀n a kfə̀ynìn jii, «Bó və̀n yòʼ dzə̀ wan Joosev à?»

Daniel 3:30

Á bèy, fòn nèn kù kòʼór antaʼ Shadrak wùn à Meshak, à Abednego e mbìv wòŋ yee Babilon.

Esta 10:3

Mordekay woo wír woó Juda‑aà dzə̀ kitú ke atǎr ntoʼ Fòn Ahasuru, a wír və́ veé Judàa‑aà koŋ wun e ŋàŋ. Áwune‑eè ghvə́m wun wir dzə̀m, bìʼ fo wù‑uù fùnèn féyì kitávín ji áwune wáa ker a dzəʼə̀m a dzə̀ ye juŋe, é ŋgwàʼ sév sí wáa dzə là kinyo ké a fàn.

Nsùyrì Nyùy 24:4

Kù dzə̀ wàa dzə wír woo là njò, wo bó shilív shí yòʼ sáʼ wun fo kinyò, a bó wù yòʼ ghvə́m anyùy kisaŋe, a bó wù yòʼ kan yìr Nyùy kisáŋ.

Ŋgàn 22:12

Nyùy Tàr yii shiy wir dzə̀m wo wù kér vifií, bvəər antaŋ vé kimboʼtìi.

Ŋgaà Tàrvìnyò 10:12

Fiì lóo suŋnín, wíri wàa ghvəm wun, kiyúŋ kí súŋninè, kí bìvír kitú kfə́.

1 Afòn 4:5

Asaria woo wan Natan‑eè dzə̀ kitú ke aŋgàa saʼ veé viliŋ ve wòŋ, taà cù woo Tsabud wo dzəə̀n wan Natan wáa dzə ŋgaà ntir fòn.