Ŋgàn 21:8 - ŊWÀʼ NYÙY

⁸ Ŋgaà jay kù yii ghán kfə́, a dzə̀ é dzəə yee kintéŋ, a lànjò yii kfə́ kinyo, a dzə̀ kee tìítiy.

Ŋgàn 21:8 Referans Kwoze

Ŋgàn 2:15

Á ghán ghán a dzə̀ yé kisaŋe, kér liì a dzə̀ wo bi.

1 Joon 3:3

Kí nén a dzə jii, wìr wo wù leey fó mbìy, shiy Jesus, yii baamè vinyo ve bi ví, ji wun fíʼ a dzə là njò, réŋréŋ mo Jesus dzəə̀n.

1 Joon 2:29

Mo vèn kiìn ji Nyùy dzə̀ e juŋ, là jay, a dzə̀ vèn kìíy sá ji wìr wo wù yii vinyo və́ là jay dzə̀ á wan wun woo Nyùy.

Titur 3:5

e tìn vèsən fó lòn, á lùŋ. A bó wù yòʼ‑oò luŋèr bèy ji vèsən‑eè yii a vinyo ve ví wáa gheén wun. Wù‑uù lùŋèr vèsən cáʼ bìʼ və́ə woo nshámmé. Wù‑uù sù vinyo vesən ve bi ví, e fò Kiyoy kfə́ ke Ranén kí, kí yiì, vèsən kfə́n ji wír ve á siìn afíy, a ker dzəʼə̀m ye fíyi.

Titur 3:3

Kú a kuumé ji vèsən‑eè ló a yiì saa kiyúŋ, a tav kitú, a jay vinyo. Vèsən‑eè fiìnè vitú vesən ji á wáa yiì mo á koó, a yi a dzə̀ kitú. Vèsən kù‑uù rə́si dzə́, kér a dzə̀ melív me bi mè, siíme kinsiimè, a vèsən à wíri bannìnè.

Titur 1:15

Kú a kàntì, bìʼ fo wìr yii lóo ker shilív she juŋ shi fo Nyùy, wù nèn a yen vinyo vidzə̀m vijuŋ. Yii bèy, wù lóo ker shilív she bi shí, e làa yòʼ a yu fo Nyùy, bo bó yòʼ dzə̀ wù yèn kinyo ke juŋ ki, bìʼ fo vifií və́ wùn à shilív sə́ shí sí tíy a dzə̀ é vinyò ve bi ví.

1 Korin 3:3

Vèn kù dzə̀ə́ moo wír ve á yú a dzə̀ fo mensə́ mev mè. Mo vèn rə́si gheʼnìnè, táŋnin ghán sidzə̀m, bó kí yòʼ din ji vèn dzəə́ yú a dzə̀ fo mensə́ men mè à? Vèn kù dzəə́ yii a dzə̀ kinyo ke wír veé ndzə fène yii.

Lim Aŋgàa Ntum 15:9

Wù kfən làysìn ajay vév, bìʼ fo áwune‑eè wayin shilív e Jesus wùn, e làa yòʼ a dìn jeéyjeéy fo vèsən à wír vee shooyi gheéy.

Matio 12:33

«Á yii kiiy kicí ke dzə á yì a dzə̀ fó kifa ke kí koom sho. Kí koom kifá ke juŋ ki, la kí yòʼ dzəə kòóm ke bi kí. Kí koóm ke bi kí, la kí yòʼ dzəə kòóm ke juŋ ki.

Matio 5:8

Bòŋ ké wìr ve á kér melív me juŋ mè, bìʼ fo áwune wíy yen sí Nyùy.

Daniel 12:10

Wír aníne wíy a shaà e mvə̀m vinyò fèn, é ví wáa shèŋrì áwune, a ranér, aá wáa dzə ajuŋ. Yii bèy, a wír ve á méŋ Nyùyi wíy shaà fo mbìy wùn à liì kisaŋ wov, a bó wìr fo áwune yòʼ wíy a gwàrìr kinyo. Ké wìr ve á kiiy jeéyjeéy fó vinyò ki dzə̀, aá wíy a gwàrìr mvə́m se vinyò vìn.

Ŋgaà Tàrvìnyò 9:3

Á kinyo ke bi ke kí dzəə̀n é vinyò ve ví kooy e sar shùy fèn. Kpúu kù li wir dzə̀m. Fə̀m mo yí li, á lóo dzə atin, melív mev mè kù tíy a dzə̀ é yiì ye bií, a kwaʼtì yéví kù dzə̀ kiyúŋsì, kù bey, kù bey, e dù meé mo á lo, e kpukír.

Ŋgaà Tàrvìnyò 7:29

M kù yèn kinyo kimòʼón jii, Nyùy‑iì bòm wír, a wù dzə̀ là nsem, wìr nen tàʼ dzə́ə sée bivír kitú kfə́ shó.»

Ŋgàn 30:12

Ŋgwàʼ rə̀n yén vitú vév ji á dzə̀ là nsem, yii bèy, aáwune dzə̀ə́ lóm lóm e Nyùy si.

Ŋgàn 15:26

Nyùy Tàr nyaysì antaŋ ve bií, shéʼri kiláyláy ke juŋ ki.

Kèʼlo 6:12

Nyùy nèn yèn ji kitú ke nsay ki fòy a ne, bìʼ fo wìr dzə̀m‑eè sí kér a dzə̀ liì kisaŋ.

Titur 2:14

Wù‑uù fò kitú kfə́, e kpù fo vèsən, e tìn vèsən fó vinyò ve bi ví vidzə̀m ji wun náŋsín wír ji və́, aá wáa dzə là jay, e tiír vifií ji á wáa yiì a dzə̀ vinyo ve juŋ vi.

Ŋgàn 21:9

Kí bòŋ a dzə e kiŋkfə̀ʼ ke lav, e shaà fó a dzə e lav vèn wiiy kinyàm.

Aysaya 26:7

Dzəə̀ wìr ve á yúnin Nyùy sì é leŋ. Nyùy Tàr, rúrú, à yii yii, a dzəə̀ wìr ve á ghán e wò mbòv dzə́ bèn ji fèm.

Aysaya 59:8

Áwune yòʼ dzə̀ wír kimane gheéy, aá yòʼ tíy e kinyò kee ji á tínén réŋ. Áwune kù kér a dzə̀ liì kisaŋ, a bó wìr yòʼ shèm ŋgoo yev, ŋgaàŋ wìy a lèm nyaáŋ.