Ŋgàn 21:6 - ŊWÀʼ NYÙY

⁶ Vikuʼùy vee shwìv kinshwìv, e kòóy, vi dzə̀ moo mbàʼŋkfəə́mé ye yì lo, yì ŋeèmé, e lày, a dzə̀ kitám ke wìr ve á jum kpú yév.

Ŋgàn 21:6 Referans Kwoze

Ŋgàn 13:11

Wìr wo wù gìrìn gírin, e bóo koóy káv, káv vəə́ kù wíy taʼrí, e lày, a wìr wo wù báʼti kfə́ kéŋ ji weè weè dzə̀ wo wù wíy a ker káv.

Ŋgàn 10:2

Vikuʼùy vee koóy é dzəə ye bi ví yòʼ kér séʼ, yii bèy, yúnín Nyùyi dzə̀ wùn à dzəʼə̀m ye dáa.

Ŋgàn 20:21

A wìr gìtì, e yì vitsə́ʼ, a bó yòʼ sì ghán, bo kí yòʼ wíy dù réŋ.

Jeremia 17:11

Wìr wo wù kooyin káv e dzəə̀ kinshwìv, wù dzə̀ moo shinə́n she shí kay wúm ye yòʼ dzəə̀n rə́. Wù tóʼ dzəʼə̀m e ntìntìn, kávi nèn mày. Dzəʼə̀me lóo mày, wù nèn kfə̀n ji kiyúŋ.

Ŋgàn 8:36

Yii bèy, wìr tén fóo tàʼ mo, bo wù kfə́r a dzə̀ kitú kfə́. Wìr wo wù ban mo kù taʼ a dzə̀ kpú.

Ŋgàn 30:8

Kí dzə̀ jii, kiír lám kisaŋe, à kimboʼtì ki fo mǒ shuù. Kímóʼ kí jii, lá à yòʼ fò mo kitan, lá à yòʼ fò sá vikuʼùy. Ku fò mo vifá ve yi a dzə̀ ve ví gheén mo gheenén.

Ŋgàn 22:8

A wìr wày kinshwìv, bo wù kù wíy kav a dzə̀ lòn, é táy ye wù táy wírií nèn mày.

2 Pita 2:3

Mo wír vìne kù taʼ a dzə̀ mbàm, á lo, aá nèn taà vinyo vinín, a boʼtí ven shó ji á fíʼ koóy. A Nyùy kù‑uù shòv ne áwune fó ŋgùʼ, e bàʼtí lòn wo áwune wíy nəə́ sho.

Ŋgàn 20:14

Njun lo, wù kù gòʼ ji kí yoʼ bòŋ, kí yoʼ bòŋ, lóo bìn ndzə̀m, wù wàa dzə̀v nsaŋ ji m dzə̀ a m bóʼ.

Titur 1:11

Á kér fó a sə̀r wír vee bey, bìʼ fo áwune bvəər vifií vé wíri. Lóo dzə láʼ yímóʼó, la à yòʼ dzəə yèn wír wo wù kiìn fo wù tíyí. Aá yéʼey vinyo ve bó yòʼ dzə̀ á wàa yeʼéy, bìʼ fo á kù kér shií a dzə̀ é mbàm.

Esiker 18:31

Vèn maʼay vinyo ve bi ví ve vèn bùʼtìn vidzə̀m, e tìnsín mo shó. Vèn wáa ker shilív she fíy shi, a ker kiyoy ke sən kí. Vèn koŋ kpú ji ká wìr veé Isray?