Ŋgàn 21:4 - ŊWÀʼ NYÙY

⁴ Wìr wo wù méŋ Nyùy kù yén a dzə̀ kitú kfə́, ghaŋghàŋè. A vinyo və́ vidzə̀m vi dzə̀ ve bi ví.

Ŋgàn 21:4 Referans Kwoze

1 Pita 5:5

M nen kfə̀n a suúy e vèn vee wír veé baanée jii, vèn wáa yu a kinyo ke atǎr kintatìi suuyì, e kfə̀n a suúy lèn a dzə̀ e wìr dzə̀m jii, wìr wáa yen wùmòʼ woo wír, a shaà kitú kfə́. Vèn wáa kiíy jii, «Nyùy yii méŋ wír ve á yén vitú vév, nèn leey ve á néŋ e wun si, shám áwune.»

Ŋgàn 6:17

a yí dzə̀ jii: Kiŋkoʼòrwùn, kimboʼtì, kinjuyrìwìr,

Aysaya 2:17

Wù wíy dìn kisáŋ ke wìr ve á li vitú vév ji Nyùybomkpù, e sèn wír ve á tíy tiyín aámóʼó kitu, é kú a dzə Nyùy Tàr cáʼ wo á wíy a koʼór yír rə́ é kishiíy fóo fèy,

Ŋgàn 8:13

Wìr lóo yunín Nyùy Tàr, bo wù sí ban kinyo ke bi kí. M ban kiŋkoʼòrwùn, ban lám woo baà.

Ŋwàʼ woó Rom 14:23

Yii bèy, a wìr wo wù yí kifá, kér méŋnín, kì ji wun jáy a kinyo, bìʼ fo wù yòʼ yii mo shilív sə́ shí biimen ji Nyùy koŋ ji wù wáa yiì. Kinyo kidzə̀m ke wìr yii, a shilív sə́ shí túné ki dzə̀ kinyo ke bi kí.

Ŋwàʼ Luk 18:14

Vèn wáa kiíy jii, wìr və̀n‑eè fəə̀, e lòo səy e wùn laʼ, a Nyùy lí ne wun ji wír woo là jay, e shaà wir Farasi və̀y. Kù dzə̀ mo Nyùy wíy sèn wír ve á kóʼor vitú vév adzə̀m, e koʼór ve bó á yòʼ yén vitú vév.»

Aysaya 3:16

Nyùy Tàr suuy jii, «Vikìy veé Jerusaleme kóʼor wún é ŋàŋ. Á kù ghán e kilòŋ kí yuv, kív sí, e bó a leéy wír sho, shóʼ kiwuú, tiir e kímóʼ kí kitu, kù ji lùmèn yén, ghán, a visháráŋ vé sùsù ve á səŋrin é wuù ví sháʼá.

Ŋgàn 21:27

Nyùy ban cu wìr ve á méŋ wun, bo taaka ye wìr yii wùn à kwaʼtì ye bií.

Ŋgàn 15:8

Wír ve á méŋ Nyùy Tàrí lóo cù wun, wù tèn cu yév. Wír ve á tíy réŋ e Nyùy kinyòo lóo bùnrì, Nyùy wàa yu vijuŋ.

Nsùyrì Nyùy 10:4

Wír ve á méŋ Nyùy vìne ŋaʼ e ŋàŋ, a bó á yòʼ kfə̀n taʼ Nyùy gheéy. Á kù sí yii vinyo vév ji bó Nyùy yòʼ dzə̀.

Aysaya 2:11

Wù wiy, e sèn wír wo wù li kitú kfə́ ji Nyùybomkpù, e dìn kisáŋ ke vé kiŋkoʼòrwùné adzə̀m. Á bèy, é kú a dzə Nyùy Tàr cáʼ wo á wíy a koʼór yír rə́ é kishiíy fóo fèy.

Ŋgàn 30:13

Ŋgwàʼ rə̀n kù yén vitú vév é ŋàŋ. Á kóʼor wún ji bó wìr yòʼ dzə̀ moo áwune.

Ŋwàʼ Luk 11:34

Sí wìri nén a dzə kifá ke wìr yén rán yee shooy sho. Sí wìri lóo dzə, a yí rán e mbòŋ, bo dzəʼə̀m rəə́ rán ránén e dzə̀m. Yí lóo səəné, bo dzə̀ mo dzəʼə̀m rəə́ sə́n sənén e dzə̀m.

Ŋgàn 24:20

Kibvəə́shí ké wìr wo bi kí yòʼ dzə̀, a kikaʼày ké wìr wo wù méŋ Nyùy ki kù wíy ndzəmén.

Ŋwàʼ Jov 18:5

«Rúrú, dzəʼə̀m wìr wo wù méŋ Nyùyi kù yíi ndzəmén moo kikaʼày, é wù wáa dzə moo və́y wo wú ndzəmen.

Ŋwàʼ Jov 18:6

Lav rə kù sí sə́n sənén ji cùm, a kikaʼày ke kí yii sə́ŋ e wun lav ki ndzə́mén ne.

Nsùyrì Nyùy 101:5

M yíi laàr wír wo wù tóy kinyo e fər və́ bàm. Bó m yòʼ yíi fo kintóʼ e wìr wo wù kóʼor wún, wír wo wù kù yén a dzə̀ kitú kfə́.

Nsùyrì Nyùy 131:1

Éè Nyùy Tàr, bó m yòʼ kóʼor wún, a bó m yòʼ yén kitú kém ji wír. M yoʼ wày wó yém é vinyò ve kuʼùn ví, kìn é vinyò ve ví wáa tav, a ghaʼ mo.

Ŋgàn 6:16

Yíi wìr msòŋé dzə̀ ntuùfú ye Nyùy Tàr banè, a yee saàmbàa kfə̀n dzə̀ ye wù yòʼ fə̀m taʼ e yu à yúu shó,

Aysaya 10:12

Fòn woó Assiriya raʼsì wún ben, a Nyùy Tàr wíy màysì vinyo ve wù yii e Gwan Sion, maʼ ŋgeʼ e Jerusalem kitu, é wù nèn màʼ ŋgeʼ e fòn woó Assiriya kitu bìʼ kiŋkoʼòrwùn kfə́.